News Flash

पंढरपूर एसटी आगाराची डिझेलखरेदीत रोज ८४ हजारांची बचत

पंढरपूर आगारातून सुटणाऱ्या सुमारे शंभर एस.टी. बसेसनी खासगी पेट्रोल पंपावरून एसटीमधून डिझेल भरण्यास सुरुवात केली असून त्यामुळे पंढरपूर एस.टी. आगाराची दररोज ८४ हजार रुपयांची बचत

| February 3, 2013 08:21 am

पंढरपूर आगारातून सुटणाऱ्या सुमारे शंभर एस.टी. बसेसनी खासगी पेट्रोल पंपावरून एसटीमधून डिझेल भरण्यास सुरुवात केली असून त्यामुळे पंढरपूर एस.टी. आगाराची दररोज ८४ हजार रुपयांची बचत होत आहे असे आगारप्रमुख हरिभाऊ साळुंखे यांनी सांगितले.
पंढरपूर एस.टी. आगारातून २६० लिटरची टाकी असलेल्या ५९ एस.टी. बसेस १६० लिटरची टाकी असलेल्या ३० बसेस तर ६५ लिटरच्या टाक्या असलेल्या ८ मिनी बसेस अशा दररोज ९२ एस.टी.बसेस धावतात.
एस.टी. यापूर्वी ६२ रु. ६३ पैसे दराने डिझेल घेत होती. दिवसेंदिवस भाव वाढल्यामुळे एस.टी. हैराण झाली होती. खासगी पेट्रोल पंपावरून डिझेल हे ५२ रु.३० पैसे लिटर असून एस.टी.ला दररोज यामुळे ८४ हजार रुपयांची बचत होत आहे.
लिंक रोडवरील व्यंकटेश्वरा पेट्रोल पंपावरून पुणे, मुंबई, सातारा आदी बसेस डिझेल भरून जात असून यावर देखरेख करण्यासाठी दोन पाळ्यातून इंधन बचत अधिकारी नेमले आहेत, असे साळुंखे यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 3, 2013 8:21 am

Web Title: pandharpur st depot daily save rupees 84 thousand in diesel purchasing
Next Stories
1 सोलापूर रेल्वेस्थानकाला ए-वन वर्गाचा दर्जा प्राप्त
2 यंत्रमाग कामगारांच्या वेतनवाढ प्रश्नावर आज बैठक
3 अतुल मुळे यांचे निधन
Just Now!
X