News Flash

स्वामी विवेकानंद जयंतीनिमित्त रविवारी परिवार मंगलम् संमेलन

स्वामी विवेकानंद यांच्या १५०व्या जयंतीनिमित्त अभाविप विवेकानंद संस्कार संस्था व राजस्थानी महिला मंडळाच्या वतीने रविवारी (दि. २१) परिवार मंगलम् संमेलनाचे आयोजन करण्यात आले आहे.

| April 18, 2013 03:16 am

स्वामी विवेकानंद यांच्या १५०व्या जयंतीनिमित्त अभाविप विवेकानंद संस्कार संस्था व राजस्थानी महिला मंडळाच्या वतीने रविवारी (दि. २१) परिवार मंगलम् संमेलनाचे आयोजन करण्यात आले आहे.
संमेलनात ज्येष्ठ विचारवंत प्राचार्य अनिरुद्ध देशपांडे हे विवेकानंदांचे कुटुंबविषयक विचार, पुणे येथील ज्ञानप्रबोधिनी संस्थेतील मानसशास्त्र विभागप्रमुख डॉ. अनघा लवळेकर ‘गृहस्थ जीवनातील आव्हाने’ या विषयावर, तर उस्मानाबादचे शेषाद्री डांगे ‘परिवार मंगलम्’ या विषयावर मार्गदर्शन करणार आहेत. कुटुंबातील अनिष्ट रुढी व शुभ परंपरा, करिअर व कौटुंबिक जबाबदारीतील समन्वय, मुलांचे संगोपन व संस्कार, कुटुंबाचे आर्थिक नियोजन, कौटुंबिक जीवनातील सामाजिक आस्था, सहजीवनाच्या बदललेल्या कल्पना या विषयांवर गटचर्चा करण्यात येणार आहे.
भारतीय कुटुंब व्यवस्था ही जगातील आदर्श समजली जात असतानाही तिची आज भारतातच उपेक्षा होत आहे. त्यामुळेच देशभरात सामाजिक समस्यात वाढ होत आहे. कुटुंब व्यवस्थेची कालानुरुप सुसंगत बांधणी करणे यासाठीच या एकदिवसीय परिवार मंगलम् संमेलनाचे आयोजन केले आहे. संमेलनात भाग घेऊ इच्छिणाऱ्या २५ ते ४० वयोगटातील दाम्पत्यांनी प्रफुल्ल कुलकर्णी ९१५८४९३५०२   व    कुमुदिनी   भार्गव ९४२२०१४२२२ यांच्याशी संपर्क साधण्याचे आवाहन करण्यात आले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 18, 2013 3:16 am

Web Title: parivar mangalam sammelan on the occasion of swami vivekananda jayanti
टॅग : Swami Vivekananda
Next Stories
1 पीककर्जाचे उद्दिष्ट जूनअखेरपर्यंत पूर्ण करावे – पोयाम
2 ‘पोलीस भरतीत गैरप्रकार झाल्यास गुन्हे नोंदविणार’
3 आज उस्मानाबादेत ‘बंद’
Just Now!
X