24 September 2020

News Flash

पी. के. अण्णा जनता बँकेच्या सहा शाखाधिकाऱ्यांना कोठडी

अवसायनात काढण्यात आलेल्या नंदुरबार जिल्ह्यातील पी. के. अण्णा जनता बँकेच्या बेकायदेशीर कर्ज मंजूरप्रकरणी सहा शाखा अधिकाऱ्यांची १० फेब्रुवारीपर्यंत पोलीस कोठडीत रवानगी करण्यात आली आहे.

| February 8, 2014 01:40 am

अवसायनात काढण्यात आलेल्या नंदुरबार जिल्ह्यातील पी. के. अण्णा जनता बँकेच्या बेकायदेशीर कर्ज मंजूरप्रकरणी सहा शाखा अधिकाऱ्यांची १० फेब्रुवारीपर्यंत पोलीस कोठडीत रवानगी करण्यात आली आहे.
पी. के. अण्णा जनता बँकेत बेकायदेशीर पद्धतीने कर्ज वाटप झाल्याचा ठपवा ठेवून पाच वर्षांपूर्वी ही बँक अवसायनात काढण्यात आली होती. बँकेतील संपूर्ण गैरव्यवहार कोटय़वधी रुपयांच्या घरात असल्याने दीड वर्षांपूर्वी या संपूर्ण प्रकरणाचा तपास सीआयडीकडे सोपविण्यात आला. बुधवारी रात्रीपासून नाशिकचे सीआयडी पथक येथे दाखल झाले होते. त्यांनी या गैरव्यवहारप्रकरणी मुरार विठ्ठल पाटील, किशोर पुरुषोत्तम पाटील, दिनेश राजाराम साळी, मोहन भिकन चौधरी, हितांशु भुत्ता पटेल, नवीनचंद्र ठाकरसी शेट या सहा शाखा अधिकाऱ्यांना अटक केली. त्यांना न्यायालयापुढे उपस्थित केले असता त्यांची पाच दिवसांसाठी पोलीस कोठडीत रवानगी करण्यात आली.
या गुन्ह्य़ातील काही जणांनी न्यायालयातून अटकपूर्व जामीन मिळवला आहे. अटक करण्यात आलेल्यांपैकी हितांशु पटेल हे सहकारमहर्षी पी. के. अण्णा पाटील यांचे निकटवर्तीय आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 8, 2014 1:40 am

Web Title: police custody to p k anna bank six branch officers
Next Stories
1 स्वस्त धान्य दुकानदार आंदोलनाच्या तयारीत
2 सर्व्हिस रोडवर ठिकठिकाणी ‘अपघात क्षेत्र’
3 ‘मनविसे’ आंदोलनानंतर बारावी प्रवेशपत्रात दुरूस्तीची सूचना
Just Now!
X