07 August 2020

News Flash

राज ठाकरेंच्या विरोधात भीमसैनिकांचा हल्लाबोल

दलित नेत्यांच्या विरोधात अवमानकारक भाषा उच्चारल्याच्या निषेधार्थ ५४ संघटनांच्या वतीने सोमवारी जिल्हाधिकारी कार्यालयावर हल्लाबोल मोर्चा काढण्यात आला. विवेकानंद चौकातून दुपारी साडेअकरा वाजता निघालेल्या मोर्चात महिला,

| September 11, 2012 09:32 am

दलित नेत्यांच्या विरोधात अवमानकारक भाषा उच्चारल्याच्या निषेधार्थ ५४ संघटनांच्या वतीने सोमवारी जिल्हाधिकारी कार्यालयावर हल्लाबोल मोर्चा काढण्यात आला. विवेकानंद चौकातून दुपारी साडेअकरा वाजता निघालेल्या मोर्चात महिला, तरुण मोठय़ा संख्येने सहभागी झाले होते. या वेळी चोख पोलीस व्यवस्था होती. मुख्य रस्त्यावरून मोर्चा निघाल्यानंतर वाहतूक पर्यायी मार्गाने वळवली. त्यामुळे वाहनधारकांची चांगलीच कुचंबणा झाली. इंदू मिलची जागा सरकारने डॉ. बाबासाहेब आंबेडकर स्मारकास त्वरित द्यावी. राज ठाकरे यांनी दलित नेत्यांच्या विरोधात अवमानकारक भाषा वापरल्याच्या निषेधार्थ विविध फलक मोर्चेकऱ्यांनी हाती घेतले होते. राज ठाकरेंना जशास तसे उत्तर देण्यास भीमसैनिक तयार असल्याच्या घोषणा मोर्चेकरी देत होते.
रिपाइंचे राज्य सरचिटणीस नगरसेवक चंद्रकांत चिकटे यांच्या नेतृत्वाखाली निघालेल्या मोर्चात बसपा, राष्ट्रवादी, काँग्रेससह विविध ५४ संघटनांचे पदाधिकारी-कार्यकर्ते सहभागी झाले होते. जिल्हाधिकारी कार्यालयावर मोर्चा विसर्जित झाला. निवासी उपजिल्हाधिकारी यांना मोर्चेकऱ्यांनी निवेदन दिले. प्रा. अनंत लांडगे, पप्पू गायकवाड, नगरसेविका दीप्ती खंडागळे, एस. टी. चांदेगावकर, बी. पी. सूर्यवंशी, बसवंत उबाळे, युवराज धसवाडीकर, रघुनाथ बनसोडे, एन. डी. सोनकांबळे, पंकज काटे आदींसह भीमसैनिक मोठय़ा संख्येने उपस्थित होते.   

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 11, 2012 9:32 am

Web Title: raj thackeray bhimsainik dalit protest
Next Stories
1 महिला पोलिसाची आत्महत्या; सहायक निरीक्षकाला अटक
2 मनपाच्या गंगाजळीत ४६ लाखांची भर ; आर्थिक चणचणीवर वसुलीचा उतारा
3 युवक काँग्रेस पदाधिकाऱ्याची प्रकल्प अधिकाऱ्यास मारहाण
Just Now!
X