22 September 2020

News Flash

मजुरी करणाऱ्या तरुणाकडे रिव्हॉल्वर; परभणीत खळबळ

येथील नेहरू नगरातील मजुरी काम करणाऱ्या बंटी उर्फ संजय गुलाब काळे या १७ वर्षांच्या तरुणाकडे गावठी रिव्हॉल्वर व ११ जिवंत काडतुसे सापडल्याने जिल्ह्य़ात मोठी खळबळ

| December 25, 2012 02:42 am

येथील नेहरू नगरातील मजुरी काम करणाऱ्या बंटी उर्फ संजय गुलाब काळे या १७ वर्षांच्या तरुणाकडे गावठी रिव्हॉल्वर व ११ जिवंत काडतुसे सापडल्याने जिल्ह्य़ात मोठी खळबळ उडाली. रिव्हॉल्वर व काडतुसे कुठून खरेदी केली याबाबत पोलीस शोध घेत आहेत.
शहरातील कुर्बानशाह अलीनगर येथे रविवारी रात्री नऊच्या सुमारास बंटी काळे यास किरकोळ कारणातून मारहाण झाली. या मारहाणीमुळे बंटी हा बेशुद्ध पडला. तेव्हा त्याच्या खिशात गावठी रिव्हॉल्वर व काडतुसे असल्याची बाब सलीम इनामदार यांच्या निदर्शनास आली. त्यांनी तत्काळ कोतवाली पोलीस ठाण्याचे सहाय्यक पोलीस निरीक्षक अशोक नवले यांच्याशी संपर्क साधून अवैध रिव्हॉल्वर व काडतुसाबाबत माहिती दिली. पोलिसांनी तातडीने घटनास्थळी धाव घेऊन बंटीकडून रिव्हॉल्वर व ११ जिवंत काडतुसे जप्त केली व त्यास शासकीय रुग्णालयात उपचारासाठी दाखल केले. या प्रकरणी कोतवाली पोलीस ठाण्यात आरोपी बंटी काळेविरुद्ध भारतीय हत्यार प्रतिबंधक कायद्यानुसार गुन्हा दाखल करण्यात आला आहे. बंटी हा विंधन विहिरी पाडण्याच्या गाडीवर मजुरी करतो, असे समजते. त्याची यापूर्वी कुठलीही गुन्हेगारी पाश्र्वभूमी नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 25, 2012 2:42 am

Web Title: rifle got from worker
Next Stories
1 कवठय़ात आज अण्णा हजारेंच्या उपस्थितीत दुष्काळ परिषद
2 मातंग समाजाला स्वतंत्र ७ टक्के आरक्षण द्यावे – प्रा. मच्छिंद्र सकटे
3 मुंडे यांच्या गावचे सरपंचपद राष्ट्रवादीकडे!
Just Now!
X