शहर व परिसरातून चोरून विकलेल्या सुमारे ५ लाख रुपये किमतीच्या १८ मोटरसायकली सिडको पोलिसांनी शुक्रवारी केलेल्या कारवाईत जप्त केल्या. या वेळी तीन आरोपींना अटक करण्यात आली. तेजराव श्रीराम राठोड (वय २५, दुधनातांडा, तालुका व जिल्हा औरंगाबाद), सिरजखान अब्दुल्लाखान (वय ३०, यासीननगर, हर्सूल, औरंगाबाद) व शेख जाकेर राजमहंमद पटेल (वय ३५, फुलेनगर, हर्सूल, औरंगाबाद) अशी आरोपींची नावे आहेत. औरंगाबाद शहर व परिसरातून चोरलेल्या या दुचाक्यांची प्रामुख्याने ग्रामीण भागात कमी किमतीला विक्री करून कागदपत्रे आणून देण्याच्या बहाण्याने निघून गेलेले आरोपी परत मात्र फिरकत नसत, असे पोलिसांनी सांगितले.
