मुंबई महानगरपालिकेच्या एक हजार लिपिक पदांसाठीची ऑनलाइन परीक्षा आज घेण्यात आली. मात्र नवी मुंबईतील सानपाडा केंद्रावरील सव्र्हर डाऊन असल्याचे कारण देत ही परीक्षा संध्याकाळी साडेचार वाजेपर्यंत घेण्यात न आल्याने एकच गोंधळ उडाला होता. अखेर केंद्रावर पोलिसांना पाचारण करण्यात आले होते.मुंबई, रायगड आणि ठाणे जिल्हय़ातील उमेदवारांसाठी सानपाडा येथील विश्वेश्वर एज्युकेशन सोसायटीच्या शाळेत परीक्षेसाठी केंद्र होते. सकाळी आठ वाजता आलेल्या उमेदवारांना संध्याकाळी चार वाजेपर्यंत परीक्षा देता आली नव्हती. सव्र्हर डाऊन असल्याचे कारण केंद्राकडून देण्यात येत असल्याने अखेर संतप्त झालेल्या उमेदवारांनी केंद्र कर्मचाऱ्यांना धारेवर धरले होते. गोंधळाची परिस्थिती निर्माण होत असल्याचे पाहत तुर्भे पोलिसांना केंद्रावर पाचारण केले.
