‘आई राजा उदो’चा गजर, तसेच संबळाच्या निनादात तुळजाभवानी मातेच्या शाकंभरी नवरात्र महोत्सवाची घटस्थापना बुधवारी भक्तिमय वातावरणात करण्यात आली.
पहाटे तीनच्या सुमारास तुळजाभवानी मातेची मंचकी निद्रा संपून देवीची मूर्ती सिंहासनावर प्रतिष्ठापित करण्यात आली. नंतर नित्योपचार पूजा व दुपारी धुपारती होऊन शाकंभरी नवरात्रोत्सवाची घटस्थापना झाली. नवरात्रोत्सवाचे मुख्य यजमान राजेश मलबा यांच्या हस्ते विधिवत पूजा होऊन मंगल आरती झाली. शाकंभरी नवरात्रोत्सव कालावधीत १७ जानेवारीपर्यंत विविध धार्मिक कार्यक्रम आयोजित केले आहेत. नवरात्रोत्सवातील जलयात्रेचा कार्यक्रम सर्वात मोठा असतो. जलयात्रा रविवारी (दि. १२) सकाळी ७ वाजता पापनाश तीर्थापासून निघणार असल्याचे मंदिर संस्थानकडून सांगण्यात आले. शारदीय नवरात्रोत्सवाप्रमाणेच तुळजाभवानीची नित्योपचार पूजा व अलंकार महापूजा केली जाते. या नवरात्रोत्सवास धाकटे नवरात्र म्हणूनही ओळखले जाते.

Washim, manuscript Writer, Stabbed, Death, Karanja, Tehsil Office,
दस्तलेखकाच्या मानेवर चाकूने हल्ला, भर तहसील कार्यालय परिसरातच…
Best Bus Monthly Pass Rate Increase Mumbai
बेस्टचा पास महागला; पासधारकांच्या खिशाला कात्री
shri krushna dwarka
श्रीकृष्णाची द्वारका खरंच पाण्याखाली आहे का? दंतकथा आणि पुरावे काय सांगतात? वाचा सविस्तर…
mhada Lottery
छत्रपती संभाजीनगरातील ९४१ सदनिका, ३६१ भूखंडांची सोडत जाहीर, अर्ज विक्री-स्वीकृतीला सुरुवात