13 July 2020

News Flash

शरद पवार माढा मतदारसंघाच्या चाचपणीसाठी खटाव-माणच्या दौ-यावर

राष्ट्रवादी काँग्रेसचे अध्यक्ष तथा केंद्रीय कृषिमंत्री शरद पवार येत्या रविवारी (दि. २४) आपल्या माढा लोकसभा मतदारसंघातील दुष्काळी खटाव-माण तालुक्याच्या दौ-यावर येत आहेत.

| November 19, 2013 02:07 am

राष्ट्रवादी काँग्रेसचे अध्यक्ष तथा केंद्रीय कृषिमंत्री शरद पवार येत्या रविवारी (दि. २४) आपल्या माढा लोकसभा मतदारसंघातील दुष्काळी खटाव-माण तालुक्याच्या दौ-यावर येत आहेत. लोकसभा व त्यानंतर येणा-या विधानसभा निवडणुकांच्या चाचपणीसाठी ते दौ-यावर येत असून, पवारांनी स्वत: लढणार नसल्याचे जाहीर केल्याने माढा लोकसभा मतदारसंघाचा उमेदवार कोण, याबाबत राजकीय वर्तुळात तर्कवितर्क लढवले जात आहेत. तर, विजयसिंह मोहिते-पाटील व रामराजे निंबाळकर हे नाराज नेते इच्छुक असल्याने पवारांच्या खटाव, माण दौ-याकडे फलटण व अकलूजकरांच्या नजरा लागून राहणार आहेत.
शरद पवार रविवारी सकाळी ९ वाजता म्हसवड येथे येणार आहेत. साडेनऊ ते पावणे दहा राऊतवाडी व म्हसवड येथील जिहे-कठापूर योजनेंतर्गत बांधलेल्या बंधा-याचे ते उद्घाटन करणार आहेत. यानंतर त्यांचे पानवण येथे आगमन होणार आहे. येथे साखळी सिमेंट बंधारे पाहणी करून राष्ट्रवादी काँग्रेसच्या कार्यकर्ता व शेतक-यांच्या मेळाव्याला ते मार्गदर्शन करतील. पुढे विरळी येथे आपल्या फंडातून बांधलेल्या साखळी सिमेंट बंधा-यांचे शरद पवार उद्घाटन करणार आहेत. दुपारी चितळी (ता. खटाव) येथील विकास सेवा सोसायटीच्या नूतन इमारतीचे उद्घाटन, जिल्हा बँकेच्या स्थलांतरित शाखेचा शुभारंभ व येरळा नदीवरील बंधा-याचे भूमिपूजन त्यांच्या हस्ते होणार आहे. यानंतर मायणी येथे थेट भेट देऊन खंडाळा तालुक्याकडे ते प्रयाण करणार आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 19, 2013 2:07 am

Web Title: sharad pawar visit to khatav man for searching of madha constituency
Next Stories
1 ज्येष्ठ स्वातंत्रसेनानी, साहित्यिक चंद्रकांत पाटगावकर यांचे निधन
2 सोलापूर जिल्हा मध्यवर्ती बँकेला सहकारमंत्र्यांनी फटकारले
3 आम आदमी पार्टी सर्व जागा लढवणार
Just Now!
X