आयडिया रॉक्स इंडियाची विजेती म्हणून औरंगाबादची श्रद्धा संतोष जोशी हिची निवड करण्यात आली. प्रसिद्ध संगीतकार शंकर-एहसान-लॉय यांनी ही निवड केली. विभागीय क्रीडा संकुलात आयडिया रॉक्स इंडिया हा कार्यक्रम प्रेक्षकांच्या उत्स्फूर्त प्रतिसादात पार पडला. आयडिया रॉक्स इंडिया देशभरातील संगीतक्षेत्रात कार्यरत प्रतिभावंत तरुणांचे जीवन बदलत आहे. प्रत्येक भागातील प्रतिभावंतास आपली कला सादर करण्यासाठी व्यासपीठ उपलब्ध करून प्रेक्षकांपर्यंत येण्याची संधी देत आहे. देशातील कोटय़वधी चाहते आणि संगीतप्रेमींशी नाते जोडण्याची अपूर्व संधी या माध्यमातून दिली जाते, असे शंकर-एहसान-लॉय यांनी या वेळी सांगितले.
