02 December 2020

News Flash

‘इन्स्पायर अवार्ड’अंतर्गत राज्य विज्ञान प्रदर्शन

बहुतांशी शाळांमध्ये शिक्षक बोलत असतो आणि विद्यार्थी ऐकत असतात. ही पद्धत बदलायला हवी. संवाद दोन्ही बाजूंनी व्हायला हवा. केवळ पुस्तके वाचून भागणार नाही, तर वेगवेगळ्या

| September 7, 2013 01:54 am

बहुतांशी शाळांमध्ये शिक्षक बोलत असतो आणि विद्यार्थी ऐकत असतात. ही पद्धत बदलायला हवी. संवाद दोन्ही बाजूंनी व्हायला हवा. केवळ पुस्तके वाचून भागणार नाही, तर वेगवेगळ्या प्रयोगांच्या माध्यमातून उत्सुकता वाढविली गेली तरच काही नवीन वैज्ञानिक प्रयोग पुढे येतील, असे मत शालेय शिक्षणमंत्री राजेंद्र दर्डा यांनी व्यक्त केले.
‘इन्स्पायर अवार्ड’अंतर्गत राज्यस्तरीय विज्ञान प्रदर्शनाच्या उद्घाटनप्रसंगी ते बोलत होते. मानव विकास मिशनचे आयुक्त भास्कर मुंडे, राज्य शैक्षणिक संशोधन व प्रशिक्षण संस्थेचे संचालक एन. के. जरग व विभागीय शिक्षण उपसंचालक सुखदेव डेरे यांची उपस्थिती होती. गेल्या अनेक वर्षांपासून राज्यस्तरावरील प्रदर्शनात येणारे प्रयोग तसे फारसे नवीन नाहीत. तेच तेच प्रयोग होतात. प्रयोगात अधिक नावीन्य आवश्यक आहे. त्यासाठी विद्यार्थ्यांची उत्सुकता वाढायला हवी. शिक्षणात दोन्ही बाजूंनी संवाद असेल तरच वैज्ञानिक जाणिवा विकसित होतील, असे दर्डा म्हणाले.
प्रदर्शनात २३६ विद्यार्थी व शिक्षक सहभागी झाले होते. प्रदर्शनातून १२ विद्यार्थ्यांची राष्ट्रीय प्रदर्शनासाठी निवड होणार आहे. ८ ते १० ऑक्टोबरदरम्यान नवी दिल्ली येथे राष्ट्रीय प्रदर्शन होईल. प्रदर्शनात सहभागी होण्यास आलेल्या विद्यार्थ्यांशी दर्डा यांनी संवाद साधला. या विद्यार्थ्यांमध्ये एवढा आत्मविश्वास होता की, शिक्षण हे ज्ञान मिळविण्यासाठी आहे. राज्य कारभार चालविण्यासाठी आहे. देशाला महासत्ता बनविण्यासाठी आहे, असे विद्यार्थ्यांनी सांगितले. विद्यार्थ्यांनी दिलेली उत्तरे आदर्श असल्याचे दर्डा यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 7, 2013 1:54 am

Web Title: state science exhibition under inspire award
टॅग Aurangabad,Scientist
Next Stories
1 अशोक चव्हाणांच्या याचिकेवरील सुनावणी अंतिम टप्प्यात
2 लोकसहभागातून हजार वनराई बंधारे उभारणार!
3 जालना शहराचा नवीन विकास आराखडा मंजूर
Just Now!
X