आदिवासी वसतिगृहात कोणत्याच सोयी-सवलती नसल्याच्या तक्रारीची गाऱ्हाणी मांडण्यासाठी निघालेल्या मुलींना मज्जाव करणाऱ्या अधीक्षिकेला वसतिगृहातील विद्यार्थिनींनी डांबून ठेवल्याची घटना येथील शिवाजीनगरातील शासकीय मुलींच्या वसतिगृहात शुक्रवारी घडली.या वसतिगृहात मुलींसाठी कोणत्याही सोयी-सुविधा नसल्याने त्याबद्दलची तक्रार करण्यासाठी मुली जेव्हा जिल्हाधिकारी कार्यालयाकडे निघाल्या होत्या, तेव्हा त्यांना वसतिगृह अधीक्षिका संजीवनी कोकाडे यांनी मज्जाव केला असता संतप्त विद्यार्थिनींनी अधीक्षिकेला एका खोलीत बंद करून कुलूप ठोकले. यासंबंधीची तक्रार अधीक्षिका संजीवनी कोकाडे यांनी पोलिसात केल्यावरून वडगाव रोड पोलिसांनी ३५ मुलींविरुद्ध गुन्हे दाखल केले आहेत.
