तालुक्यात सोमवार व मंगळवारी झालेल्या दोन वेगवेगळ्या अपघातात दोन दुचाकीस्वार ठार झाले. तालुक्यातील सावकी फाटय़ाजवळ सोमवारी मध्यरात्री लोहणेरच्या सरपंच सुलोचना शेवाळे यांचा मुलगा राजकुमार शेवाळे (३४) हा सटाण्याकडून लोहणेरकडे येत असताना दुचाकीसह रस्त्याच्या खाली फेकला गेल्याने डोक्याला जबर मार लागून जागीच ठार झाला. तर दुसरा अपघात भऊर-कळवण रस्तावर नेपाळी फाटय़ाजवळ झाला. एका वाहनाची मोटार सायकलला जबर धडक बसल्याने गंभीररित्या जखमी झालेले सुरेश आहेर (३२, निवाणे, ता. कळवण) यांना नाशिक येथे उपचारासाठी नेत असताना रस्त्यातच त्याचे निधन झाले.
