शाळा न्यायाधिकरणाने गेल्या २२ मार्चला काढलेल्या आदेशाप्रमाणे शहरातील सेंट फ्रान्सिस डिसेल्स हायस्कूलने निलंबित मुख्याध्यापक रेव्ह. फादर पीटर ठमाजी अमोलिक यांना या पदावर रुजू करून घ्यावे, तशी कार्यवाही न झाल्यास शाळा न्यायाधिकरणाच्या आदेशाचा अवमान केल्याप्रकरणी आपणाविरूद्ध कार्यवाही होऊ शकते, अशी तंबी जि. प.चे माध्यमिक शिक्षणाधिकारी यांनी शाळेला दिली. दरम्यान, शाळा न्यायाधिकरणाने दिलेल्या आदेशाप्रमाणे आपणास मुख्याध्यापक पदावर रुजू करून घेण्याबाबत कोणतीही कार्यवाही झाली नाही. पदावर रुजू करून घ्यावे, तसेच थकित निर्वाह भत्ता द्यावा, या मागणीसाठी रेव्ह. फादर पीटर अमोलिक यांनी मंगळवारी (दि. २७) उपोषण सुरू करण्याचा इशारा निवेदनाद्वारे दिला आहे.