News Flash

शिक्षक सेनेतर्फे २२ जणांचा ‘शिक्षण तपस्वी’ पुरस्काराने गौरव

विविध विभागांतील २२ शिक्षकांना येथील महाराष्ट्र राज्य शिक्षक सेनेच्या वतीने परशुराम साईखेडकर नाटय़गृहात आयोजित कार्यक्रमात ‘शिक्षण तपस्वी’ पुरस्काराने गौरविण्यात आले.

| January 30, 2013 12:37 pm

विविध विभागांतील २२ शिक्षकांना येथील महाराष्ट्र राज्य शिक्षक सेनेच्या वतीने परशुराम साईखेडकर नाटय़गृहात आयोजित कार्यक्रमात ‘शिक्षण तपस्वी’ पुरस्काराने गौरविण्यात आले.
अध्यक्षस्थानी शिक्षक सेनेचे राज्य चिटणीस पद्माकर इंगळे तर प्रमुख पाहुणे म्हणून शिवसेना जिल्हाप्रमुख विजय करंजकर, अजय बोरस्ते, मेजर नागेश शेकदार, सुधाकर भालेकर उपस्थित होते. या प्रसंगी मेजर पी. बी. कुलकर्णी व चित्रकार शिवाजी तुपे यांना जीवन गौरव पुरस्कार देण्यात आला. प्रास्ताविकात संपर्कप्रमुख संजय चव्हाण यांनी पुरस्कारांमागील भूमिका स्पष्ट केली. करंजकर यांनी शिक्षकांच्या कार्यामुळेच संस्कृतीचे जतन होत असल्याचे नमूद केले. इंगले यांनी शासनाचे शैक्षणिक धोरण व समस्यांविषयी शिक्षक सेना दोन फेब्रुवारीपासून जिल्हाधिकारी कार्यालयासमोर आंदोलन करणार असल्याचे सांगितले. या प्रसंगी तुपे व कुलकर्णी यांचेही मनोगत झाले.
सन्मानचिन्ह, शाल व पुष्पगुच्छ असे पुरस्काराचे स्वरूप आहे. दिलीप फडके, डॉ. गजानन खराटे, अनंत येवलेकर, प्रा. मानस गाजरे, प्रा. परशराम वाघेरे, प्रसाद पवार, प्रा. के. एन. अहिरे, प्रा. के. पी. रायते, शिवाजी शिरसाठ, सी. बी. पवार, अनिल ढोकणे, ललित तिळवणकर, शहजाद हुसेन, विश्वनाथ शिरोळे, भारती पवार, राजेश भुसारे, संदीप देशपांडे, नंदलाल धांडे, मनीषा नलगे, राजेंद्र गिते यांना गौरविण्यात आले. सूत्रसंचालन रवींद्र मालुंजकर यांनी केले. आभार शिक्षक सेनेचे मधुकर वाघ यांनी मानले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 30, 2013 12:37 pm

Web Title: teacher sena 22 peoples gets education tapsvi award
Next Stories
1 संगणक सेवा अत्याधुनिक करण्याच्या सेवांचे सादरीकरण
2 ‘सत्यशोधक परीक्षांचे अभ्यास ग्रंथ म्हणजे जीवन ग्रंथ’
3 ‘आत्मा’अंतर्गत कुक्कुटपालन सामग्रीचे वाटप
Just Now!
X