बालाजी भांगे यांच्या चित्रांचे प्रदर्शन सध्या द हॉटेल लीला येथे भरविण्यात आले आहे. ‘टाइमलेस एलिगन्स’ असे शीर्षक असलेल्या या चित्र प्रदर्शनात जुन्या इमारतींवरील वैविध्यपूर्ण नक्षीकाम, हेरिटेज इमारतींवरील शिल्पे यांची चित्रे आहेत. तसेच प्राचीन दगडी देऊळ, घरे, निसर्गाच्या कुशीत लपलेली घरे यांसारखे ग्रामीण भागात दिसणारी घरेही चितारली आहेत. या चित्रांद्वारे अशी घरे, निसर्गाच्या कुशीतल्या खेडय़ांमधील घरे किंवा दक्षिण मुंबईतील हेरिटेज इमारतींवरील गॉथिक शैलीतील कोरीव काम हे सारे आपण पाहिलेले आहे याची आठवण चित्रे नक्कीच करून देतात.
