राजू शेट्टी यांच्या अटकेच्या निषेधार्थ पिंपरीत निदर्शने

ऊस दरावरून सुरू असलेल्या शेतकरी आंदोलनाचे नेतृत्व करणाऱ्या खासदार राजू शेट्टी यांना अटक झाल्यानंतर त्याचे पडसाद पिंपरीतही उमटले. शेट्टी यांना अटक करणे हा सरकारच्या षड्यंत्राचा भाग असल्याचा आरोप करत गोळीबार व दोन जणांच्या मृत्यूच्या घटनेची न्यायालयीन चौकशी करण्याची मागणी या वेळी करण्यात आली.

ऊस दरावरून सुरू असलेल्या शेतकरी आंदोलनाचे नेतृत्व करणाऱ्या खासदार राजू शेट्टी यांना अटक झाल्यानंतर त्याचे पडसाद पिंपरीतही उमटले. शेट्टी यांना अटक करणे हा सरकारच्या षड्यंत्राचा भाग असल्याचा आरोप करत गोळीबार व दोन जणांच्या मृत्यूच्या घटनेची न्यायालयीन चौकशी करण्याची मागणी या वेळी करण्यात आली.
पिंपरीतील डॉ. बाबासाहेब आंबेडकर चौकात भाजप, इंडिया अगेन्स्ट करप्शन, नागरी हक्क सुरक्षा समिती, श्रमिक एकता महासंघ, विश्वकल्याण कामगार संघटना आदींनी संयुक्तपणे निदर्शने केली. या वेळी भाजपचे शहराध्यक्ष एकनाथ पवार, सरचिटणीस नामदेव ढाके, माजी नगरसेवक मारूती भापकर, मानव कांबळे, प्रदीप पवार, दिलीप पवार आदी उपस्थित होते. काळ्या फिती लावून सरकारचा निषेध करत जवळपास तीन तास निदर्शने करण्यात आली. त्यानंतर सभा घेऊन आंदोलनाचा समारोप करण्यात आला.     

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नगर/पश्चिम महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Andolan in pimpri in oppsed of raju shetty arrest