कल्याणमधील वाडेघर, चिकणघर, आधारवाडी, जोशीबाग, टिळक चौक, शिशुविहार विकास शाळा येथील जुनी मतदान केंद्रे नवीन शाळा, महाविद्यालये, सभागृहांमध्ये स्थलांतरित करण्यात आली आहेत. कल्याण पश्चिम विभागाचे निवडणूक अधिकारी अशोक मुंढे यांनी हे फेरबदल जाहीर केले आहेत.
वाडेघर येथील जुनी मतदान केंद्र वायले नगरमधील पोदार इंटरनॅशनल स्कूलमध्ये व मोहिंदरसिंग काबूलसिंग हायस्कूल मध्ये, चिकणघर येथील काही मतदान केंद्रे बिर्ला महाविद्यालयात, आधारवाडी येथील मतदान केंद्र श्री कॉम्प्लेक्समधील डॉन बॉस्को शाळेमध्ये स्थलांतरित करण्यात आली आहेत. शिशू विकास शाळा, मल्हारनगर येथील केंद्र गजानन विद्या प्रसारक मंडळाच्या शिशू विहार विकास शाळेत, टिळक चौकातील केंद्र गायन समाज इमारतीत स्थलांतरित करण्यात आली आहेत.