पालिका कर्मचाऱ्यांची सेवाज्येष्ठता यादी जाहीर करण्याची मागणी

महापालिका कर्मचाऱ्यांची सेवाज्येष्ठता यादी गोपनीय न ठेवता विभागानुसार जाहीर करावी व त्यानुसारच पदोन्नती देण्यात यावी, अशी मागणी शहीद भगतसिंग कामगार कर्मचारी संघटनेने जिल्हाधिकारी तथा प्रभारी आयुक्त ज्ञानेश्वर राजुरकर यांच्याकडे निवेदनाद्वारे केली आहे.

महापालिका कर्मचाऱ्यांची सेवाज्येष्ठता यादी गोपनीय न ठेवता विभागानुसार जाहीर करावी व त्यानुसारच पदोन्नती देण्यात यावी, अशी मागणी शहीद भगतसिंग कामगार कर्मचारी संघटनेने जिल्हाधिकारी तथा प्रभारी आयुक्त ज्ञानेश्वर राजुरकर यांच्याकडे निवेदनाद्वारे केली आहे.
संघटनेचे अध्यक्ष कॉ. अनिल नाटेकर आणि सचिव विजय पवार यांनी महापालिकेच्या आस्थापना विभागाकडून कर्मचारी व अधिकाऱ्यांची सेवाज्येष्ठता यादी गोपनीयरीत्या तयार करून, परस्पर वैयक्तिक आदेश काढून पदोन्नती मिळविण्याचा घाट घातला जात असल्याचा आरोप केला. महापालिकेत वरिष्ठ लिपिकपदावर असलेले मात्र सध्या आस्थापना अधीक्षकपदावर प्रभारी म्हणून जबाबदारी असलेले एक अधिकारी ३१ जानेवारी रोजी सेवानिवृत्त होत आहेत. निवृत्ती आधी आस्थापना अधीक्षक ही पदोन्नती मिळविण्याचा त्या अधिकाऱ्याचा डाव असल्याचा आरोप या निवेदनातून करण्यात आला आहे. सेवाज्येष्ठता यादी नियमानुसार तयार करून वृत्तपत्रातून जाहीर करावी व त्यानुसारच पदोन्नती देण्यात यावी, अशी मागणी निवेदनातून करण्यात आली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नाशिक वृत्तान्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Demand to declare service seniority list of municipal corporation