सोलापूर जिल्हय़ात थंडीचा कडाका अधूनमधून वाढत असताना थंडीपासून बचाव करण्यासाठी शेकोटीचा आधार घेणाऱ्या एका वृद्धाचा शेकोटीच्या आगीत भाजून मृत्यू झाला. बार्शी तालुक्यातील राळेरास येथे ही घटना घडली.चंद्रभान भाऊ कदम (वय ६०) असे मृताचे नाव आहे. चंद्रभान यांनी गावात आपल्या घरासमोर पहाटे पाचच्या सुमारास थंडीपासून बचाव करण्यासाठी शेकोटी पेटविली. शेकोटीसमोर बसून ऊब घेताना अचानकपणे शेकोटीतील आगीत त्यांचे कपडे पेटले आणि काही क्षणातच ते स्वत: गंभीर भाजले. त्यांना तातडीने सोलापूरच्या छत्रपती शिवाजी सवरेपचार शासकीय रुग्णालयात दाखल केले असता अखेर त्यांचा मृत्यू झाला.
