भारतीय वायुसेनेची प्रवेश परीक्षा

भारतीय वायुसेनेच्या युनिफाईड सिलेक्शन सिस्टम अंतर्गत सामान्य प्रवेश परीक्षा चाचणी (एएफसीएटी) घेण्यात येते.

भारतीय वायुसेनेच्या युनिफाईड सिलेक्शन सिस्टम अंतर्गत सामान्य प्रवेश परीक्षा चाचणी (एएफसीएटी) घेण्यात येते. याद्वारे योग्य उमेदवारास एकाच अर्जाद्वारे वेगवेगळ्या शाखेसाठी नियुक्तीच्या भरपूर संधी उपलब्ध होत आहेत. ही चाचणी प्रवेश परीक्षा हवाई, तांत्रिक आणि स्थलसेवा कार्य या विभागातील उमेदवार निवडीकरिता होती. ही परीक्षा के.डी.के. अभियांत्रिकी महाविद्यालयात ग्रुप कॅप्टन ए.के. उपाध्याय यांच्या पर्यवेक्षणाखाली नुकतीच घेण्यात आली. या परीक्षेत मध्य भारतातून एकूण २६३५ महिला व पुरुष उमेदवार सहभागी झाले होते.
एअर व्हाईस मार्शल व्ही.एस. भारती वायएसएम व्हीएम, व्हीएसएम, सिनियर एअर अ‍ॅन्ड अ‍ॅडमिनस्टॉफ ऑफिसर (एसएएएसओ) मेंटेनन्स कमांड यांनी गेल्या बारा वर्षांपासून भारतीय वायुसेनेच्या परीक्षेसाठी के.डी.के. अभियांत्रिकी महाविद्यालयातर्फे होत असलेल्या सहकार्याबद्दल व यशस्वी आयोजनाबद्दल महाविद्यालयाचे रोजगार व प्रशिक्षण विभागाचे अधिष्ठाता मधुर शुक्ला यांना भारतीय वायुसेनेचे स्मृतिचिन्ह प्रदान केले. भारतीय वायुसेनेच्या यशस्वी आयोजनासाठी के.डी.के. शिक्षण समूहाचे कोषाध्यक्ष यशराज मुळक, बीसीवायआरसीचे प्रशासकीय अधिकारी के.के. महाडिक, के.डी.के. अभियांत्रिकी माहविद्यालयाचे प्राचार्य डॉ. डी.पी. सिंग, उपप्राचार्य ए.एम. बदर, राजश्री मुळक अभियांत्रिकी महाविद्यालयाच्या डॉ. पी. देवनानी, उपप्राचार्या सुधा श्रीकांत, नागपूर पॉलिटेक्निकचे प्राचार्य व्ही.के. बाबर, उमरेड अभियांत्रिकी महाविद्यालयाचे प्राचार्य डॉ. ए.सी. वाघमारे, भाऊसाहेब मुळक अभियांत्रिकी महाविद्यालयाचे प्राचार्य डॉ. आर.एच. पारीख यांचे सहकार्य लाभले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नागपूर वृत्तान्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Entrance test for indian navy

ताज्या बातम्या