येथील बासरीवादक जितेंद्र प्रताप रोकडे यांना पुण्यातील अमूल्य ज्योती ट्रस्टच्या वतीने दिला जाणारा बासरीचे युगपुरुष पं. पन्नालाल घोष पुरस्कार व शिष्यवृत्ती समारंभपूर्वक प्रदान करण्यात आली. जितेंद्र सध्या पुणे विद्यापीठातील ललित कला केंद्रात एम. ए. (बासरी) अभ्यासक्रमाचे शिक्षण घेत आहेत.पुणे येथे झालेल्या पं. घोष स्मृती समारोहात पं. केशव गिंडे यांच्या हस्ते व पुणे आकाशवाणीचे सुनील देवधर यांच्या उपस्थितीत पुरस्कार व शिष्यवृत्तीचा धनादेश देण्यात आला. शिष्यवृत्ती बासरीतील पुढच्या शिक्षणासाठी आहे. जितेंद्र सध्या पं. गिंडे यांच्याकडेच बासरीचे शिक्षण घेत आहेत.
