करोनाबाधित मुलांवर महिनाभर लक्ष ठेवा

दुसऱ्या लाटेत बालकांमध्ये करोना संसर्गाची लागण झपाटय़ाने होत असल्याचे निदर्शनास आले आहे.

पोस्ट कोविड आजाराचा धोका टाळा

औरंगाबाद : दुसऱ्या लाटेत बालकांमध्ये करोना संसर्गाची लागण झपाटय़ाने होत असल्याचे निदर्शनास आले आहे. गेल्या तीन दिवसात करोना बाधित ९४ बालके आढळून आली आहेत. शून्य ते पाच वयोगटातील १ हजार ३३७ आणि पाच ते आठरा वयोगटातील ७ हजार ५७९ बालके करोना बाधित आहेत. करोना पश्चातही या मुलांची अधिक काळजी घेण्याची गरज आहे. त्यामुळे पालकांनी मुलांच्या आजाराकडे अजिबात दुर्लक्ष करू नये, असे आवाहन महापालिकेच्या आरोग्य अधिकारी डॉ. नीता पाडाळकर यांनी केले आहे.

करोनाच्या तिसऱ्या लाटेत बालकांना धोका वाढण्याची शक्यता तज्ज्ञांनी व्यक्त केली असून  प्रशासनाने तिसरी लाट रोखण्यासाठी तयारी सुरू केली आहे. बालकांना साधा ताप, सर्दी, खोकला झाला असलातरी तातडीने डॉक्टरांकडून उपचार करुन घ्यावेत, तसेच बालकांना करोना संसर्ग झाल्याचे आढळून आले तर घाबरून न जाता  उपचार करावेत असे आवाहन करण्यात आले आहेत.  बालकांना आजाराबद्दल फारसे सांगता येत नाही, अशा वेळी डॉक्टरांच्या सल्लय़ाने त्याचा आजार समजून घेतला तर करोना पश्चातील धोके टाळता येतील असेही आरोग्य अधिकाऱ्यांनी सांगितले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मराठवाडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Eye coronary heart disease month post covid ssh

ताज्या बातम्या