नातेवाईकाच्या अंत्यसंस्कारास निघालेल्या मोटारीला कंटेनरने धडक दिल्याने मोटारीतील माय-लेक जागीच ठार, तर अन्य तिघे गंभीर जखमी झाले. जखमींना उपचारार्थ रुग्णालयात उपचारार्थ दाखल करण्यात आले. सोमवारी सकाळी आठच्या सुमारास गेवराईपासून काही अंतरावर बागिपपळगावजवळ हा अपघात घडला. अमोल प्रकाश देशमाने (औरंगाबाद) हे नातेवाईकाच्या अंत्यविधीस कुटुंबासह मोटारीतून कळंबला जात होते. मोटारीला (एमएच २० यू ५०२६) कंटनेरने (के ए ५१ ए ३६३८) धडक दिली. यात अमोल देशमाने (वय ३२), त्यांची आई पद्मा प्रकाश देशमाने (वय ५५) हे माय-लेक जागीच ठार झाले. प्रकाश शांताकुमार देशमाने (वय ६०), सुशील संजय देशमाने (वय २७), प्रणयकुमार शांताकुमार देशमाने (वय ४५) हे तिघे गंभीर जखमी झाले. जखमींना परिसरातील नागरिकांनी औरंगाबादच्या रुग्णालयात दाखल केले.
