अवैधरीत्या रस्ता खोदणाऱ्या मोबाइल कंपनीविरुद्ध गुन्हा

नाशिक रोड परिसरात एका मोबाइल कंपनीने भूमिगत केबल टाकण्यासाठी महापालिकेचा चांगला रस्ता खोदून नुकसान केल्याबद्दल कंपनीविरुद्ध महापालिकेच्या अधिकाऱ्यांनी उपनगर पोलीस ठाण्यात गुन्हा दाखल केला आहे.

नाशिक रोड परिसरात एका मोबाइल कंपनीने भूमिगत केबल टाकण्यासाठी महापालिकेचा चांगला रस्ता खोदून नुकसान केल्याबद्दल कंपनीविरुद्ध महापालिकेच्या अधिकाऱ्यांनी उपनगर पोलीस ठाण्यात गुन्हा दाखल केला आहे.
काही दिवसांपूर्वी प्रभाग क्रमांक ५५ व ५६मध्ये नाशिक-पुणे महामार्गापासून शिखरेवाडी मैदानापर्यंत रस्त्याचे डांबरीकरण करण्यात आले आहे, परंतु एका मोबाइल कंपनीने भूमिगत केबलचे काम करण्यासाठी महापालिकेची कोणतीही परवानगी न घेता खड्डा खोदून रस्त्याचे मोठय़ा प्रमाणात नुकसान केले. या खोदकामात रस्त्याखाली असलेली जलवाहिनी ठिकठिकाणी तोडण्यात आली, तसेच नागरिकांनी पिण्याच्या पाण्यासाठी घेतलेली नळ जोडणी तोडण्यात आली. ही नळ जोडणी पुन्हा सुरळीत न केल्याने अनेकांचा नळ पाणीपुरवठा बंद झाल्याची तक्रार नागरिकांनी केली आहे.
या संदर्भात महापालिकेचे अभियंता नीलेश साळी यांच्या मार्गदर्शनाखाली कनिष्ठ अभियंता राजेंद्र घेगडमल व मधुसुंदर चव्हाण यांच्या तक्रारीवरून सदर कंपनीविरुद्ध गुन्हा दाखल करण्यात आला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Offense against mobile company for illegal road digging