ज्येष्ठ चित्रकार व्यंकटेश देशपांडे यांनी भगवद्गीतेतील १८ अध्यायांवर रेखाटलेल्या १८ तैलचित्रांच्या प्रदर्शनाचे उद्घाटन रविवारी (दि. २३) संध्याकाळी ६ वाजता उपमहापौर संजय जोशी यांच्या हस्ते होणार आहे. औरंगपुरा येथील बलवंत वाचनालयाच्या कलादालनात २३ ते २५ डिसेंबर दरम्यान प्रदर्शन सकाळी १० ते रात्री ९ पर्यंत सर्वांसाठी खुले राहील. संत साहित्याच्या अभ्यासिका कुमुद गोसावी उद्घाटनास उपस्थित राहणार आहेत. या वेळी उद्योजक सुरेश जोशी यांच्या ‘आत्मरंग’, व्यंकटेश देशपांडे यांच्या ‘चित्रमय भगवद्गीता’ व ‘चित्रमय कृष्णलीला’ या पुस्तकांचे प्रकाशन करण्यात येईल.
