संशोधनासाठी विद्यार्थ्यांना शिष्यवृत्ती द्यावी – शरद पवार

विद्यार्थ्यांमध्ये संशोधन वृत्ती वाढीस लावण्यासाठी शिक्षकांच्या मार्गदर्शनाखाली केलेल्या संशोधनाला शासनाने आर्थिक प्रोत्साहन म्हणून शिष्यवृत्ती देणे गरजेचे आहे, असे मत केंद्रीय कृषीमंत्री शरद पवार यांनी व्यक्त केले. येथील क. का. वाघ शिक्षण संस्थेस शुक्रवारी पवार यांनी भेट दिली. त्यावेळी ते बोलत होते.

विद्यार्थ्यांमध्ये संशोधन वृत्ती वाढीस लावण्यासाठी शिक्षकांच्या मार्गदर्शनाखाली केलेल्या संशोधनाला शासनाने आर्थिक प्रोत्साहन म्हणून शिष्यवृत्ती देणे गरजेचे आहे, असे मत केंद्रीय कृषीमंत्री शरद पवार यांनी व्यक्त केले. येथील क. का. वाघ शिक्षण संस्थेस शुक्रवारी पवार यांनी भेट दिली. त्यावेळी ते बोलत होते.
कार्यक्रमाच्या अध्यक्षस्थानी पालकमंत्री छगन भुजबळ तर प्रमुख पाहुणे म्हणून तापी खोरे विकास महामंडळाचे उपाध्यक्ष ए. टी. पवार, मविप्र शिक्षण संस्थेच्या सरचिटणीस नीलिमा पवार, माजीमंत्री डॉ. शोभा बच्छाव, तुकाराम दिघोळे आदी उपस्थित होते.
क. का. वाघ शिक्षण संस्थेने अभियांत्रिकी अभ्यासक्रमासोबत कृषी, फलोत्पादन, दुग्धव्यवसाय, पशुसंवर्धन आदी विषयांचे अभ्यासक्रम सुरू केल्याबद्दल पवार यांनी समाधान व्यक्त केले. शेतकऱ्यांचे जीवनमान व राहणीमान उंचावण्यासाठी पूरक व्यवसाय महत्त्वाचे आहेत. पूरक व्यवसायांना अभ्यासक्रमांच्या माध्यमातून गती मिळेल. त्याचा लाभ शेतकऱ्यांना होईल. कृषी उत्पादनात देश स्वयंपूर्ण आहे. कृषीमालाच्या निर्यातीतून शेतकऱ्यांना परकीय चलन मिळत असल्याचे पवार यांनी नमूद केले. काकासाहेब वाघ यांनी शैक्षणिक व सहकार क्षेत्रात भरीव कामगिरी केली असून सामान्य माणसांसाठी लढणारा योद्धा म्हणून त्यांचा गौरव केला जातो. क. का. वाघ शिक्षण संस्थेचे अभियांत्रिकी क्षेत्रातील शैक्षणिक काम दर्जेदार असल्याचे गौरवोद्गारही त्यांनी काढले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नाशिक वृत्तान्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Scholarship should be given to student for research sharad pawar

ताज्या बातम्या