डॉ. शारदा महांडुळे
स्वयंपाकघरातील कोणतीही भाजी बनविताना लसणाची फोडणी दिल्याशिवाय ती भाजी रुचकर होत नाही. त्यामुळे प्रत्येक गृहिणीच्या घराबरोबर मनात लसणाने स्थान मिळविले आहे. अगदी प्राचीन काळापासून आयुर्वेदिक ग्रंथांमध्ये लसणाचे आरोग्याच्या दृष्टिकोनातून महत्त्व विशद केलेले आहे. आहार, औषधी, सौंदर्यप्रसाधने अशा विविध स्वरूपात लसणाचा वापर केला जातो. लसणाची उत्पत्ती मध्य आशियातील असून, अगदी प्राचीन काळापासून त्याची भारत, फिलिपिन्स, चीन, केनिया, ब्राझील, मेक्सिको अशा अनेक देशांत लागवड केली जाते. मराठीमध्ये ‘लसूण, हिंदीमध्ये ‘लहसुन’, संस्कृतमध्ये ‘लशून’, इंग्रजीमध्ये ‘गार्लिक’, तर शास्त्रीय भाषेत ‘एलिअम सटायव्हम’ (Allium Sativum) म्हणून ओळखला जाणारा लसूण हा ‘लिलीएसी’ कुळातील आहे.
मराठीतील सर्व चतुरा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
