अनुसूचित जाती संवर्गातील विद्यार्थिनींना उच्च शिक्षणासाठी मदत | backward class scholarship for girl students scsg 91 | Loksatta

अनुसूचित जाती संवर्गातील विद्यार्थिनींना उच्च शिक्षणासाठी मदत

अनुसूचित जाती संवर्गातील विद्यार्थिनींना देशातील दर्जेदार शैक्षणिक संस्थांमध्ये उच्च शिक्षण घेता यावे यासाठी महाराष्ट्र शासन ‘राजर्षी शाहू महाराज शिष्यवृत्ती’ देते. या शिष्यवृत्तीसाठी अर्ज करण्याची शेवटची तारीख १० ऑक्टोबर २०२२ आहे. त्यातील तरतुदी आणि नियम जाणून घेऊ या.

अनुसूचित जाती संवर्गातील विद्यार्थिनींना उच्च शिक्षणासाठी मदत
नरोत्तम सेखसरिया फाऊंडेशन शिष्यवृत्ती

-सुरेश वांदिले

अनुसूचित जाती संवर्गातील बऱ्याच विद्यार्थिनींना देशातील दर्जेदार आणि उत्कृष्ट अशा शैक्षणिक संस्थांमध्ये पदवी आणि पदव्युत्तर पदवी अभ्यासक्रमांसाठी प्रवेश मिळत असतो. अशा विद्यार्थिनींना सर्व प्रकारचं अर्थसहाय्य करण्यासाठी महाराष्ट्र शासनामार्फत ‘राजर्षी शाहू महाराज शिष्यवृत्ती’ ही योजना राबवण्यात येते.

या संस्थांमध्ये कोणत्या संस्थांचा समावेश होतो?
आयआयटी, एनआयटी, आएआयएम, ऑल इंडिया इन्स्टिट्यूट ऑफ मेडिकल सायन्स, इंडियन इन्स्टिट्यूट ऑफ इन्फॉर्मेशन टेक्नॉलॉजी, नॅशनल इन्स्टिट्यूट ऑफ डिझाइन, इंडियन मेरिटाइम युनिव्हर्सिटी, नॅशनल स्कूल ऑफ ड्रामा, नॅशनल लॉ युनिव्हर्सिटी, इंडियन इन्स्टिट्यूट ऑफ सायन्स एज्युकेशन ॲण्ड रिसर्च, इंडियन इन्स्टिट्यूट ऑफ सायन्स, फिल्म ॲण्ड टेलिव्हिजन इन्स्टिट्यूट, जमनालाल बजाज इन्स्टिट्यूट ऑफ मॅनेजमेंट, केंद्रीय विद्यापीठे आदी संस्थांचा यात समावेश आहे. याशिवाय काही दर्जेदार खासगी शिक्षण संस्था (उदा- बिर्ला इन्स्टिट्यूट ऑफ टेक्नॉलॉजी, पिलानी, इंडियन बिझनेस इन्स्टिट्यूट) यांचाही समावेश आहे. (या संस्थांची संपूर्ण यादी संकेतस्थळावरील रोजगार लिंक या ठिकाणी बघावयास मिळते.)

शिष्यवृत्तीचे स्वरुप काय?

या शिष्यवृत्तीमध्ये-
(१) अभ्यासक्रमाचे शिक्षण शुल्क,
(२) परीक्षा शुल्क,
(३) नोंदणी शुल्क,
(४) ग्रंथालय शुल्क,
(५) संगणक खरेदी शुल्क,
(६) जिमखाना शुल्क,
(७) संस्थेच्या विकास (डेव्हलपमेंट) कामांसाठीचे शुल्क,
(८) वसतिगृह शुल्क,
(९) भोजन शुल्क, यांसारख्या बाबींचा खर्च भागवण्यासाठी लागणाऱ्या अर्थसहाय्याचा समावेश आहे.

इतर लाभ कोणते?

(१) एखाद्या संस्थेतील वसतिगृहात संबंधित विद्यार्थिनीस प्रवेश न मिळाल्यास त्यांना, अशा संस्थेच्या वसतिगृहासाठी जे शुल्क आकाराले जाते ते आणि भोजन शुल्क दिले जाईल.
(२) वसतिगृहात न राहाणाऱ्या विद्यार्थिनींना निर्वाह भत्ता दिला जाईल.
(३) अभ्यासक्रमासाठी लागणाऱ्या पुस्तकांच्या खरेदीसाठी व इतर शैक्षणिक खर्चासाठी प्रत्येकी ५ हजार रुपये याप्रमाणे दरवर्षी १० हजार रुपयांचे अर्थसहाय्य केले जाईल.

अटी आणि शर्ती

(१) संबंधित विद्यार्थिनी महाराष्ट्राची रहिवासी असावी.
(२) कुटुंबाचे वार्षिक उत्पन्न ६ लाख रुपयांपेक्षा कमी असावे.
(३) पदवी अभ्यासक्रमाला प्रवेश घेतलेल्या विद्यार्थिनीची कमाल वयोमर्यादा २५ वर्षे आणि पदव्युत्तर पदवी अभ्यासक्रमाला प्रवेश घेतलेल्या विद्यार्थिनीची कमाल वयोमर्यादा ३० वर्षे असावी.
(४) संबंधित विद्यार्थिनीस प्रथम वर्षास प्रवेश मिळायला हवा.
(५) महाराष्ट्र राज्य माध्यमिक व उच्च माध्यमिक परीक्षा मंडळामार्फत घेतली जाणारी दहावी आणि बारावीची परीक्षा किंवा महाराष्ट्रात असणाऱ्या इतर शैक्षणिक मंडळातून उत्तीर्ण होणे आवश्यक आहे.
(६) पदवी अभ्यासक्रमाला प्रवेश घेऊ इच्छिणाऱ्या विद्यार्थिनीस बारावीमध्ये किमान ५५ टक्के गुण मिळणं आवश्यक आहे.
(७) थेट दुसऱ्या वर्षाला प्रवेश घेऊ इच्छिणाऱ्या विद्यार्थिनीस पदविका (डिप्लोमा) अभ्यासक्रमामध्ये किमान ५५ टक्के गुण मिळणं आवश्यक आहे.
(८) पदव्युत्तर पदवी अभ्यासक्रमाला प्रवेश घेऊ इच्छिणाऱ्या विद्यार्थिनीस पदवी परीक्षेत किमान ५५ टक्के गुण मिळणं आवश्यक आहे.
या शिष्यवृत्तीसाठी अभ्यासक्रमाच्या दुसऱ्या वर्गाला प्रवेश मिळालेल्या विद्यार्थिनीही अर्ज करु शकतात. मात्र पहिल्या वर्गाच्या प्रवेशासाठी विद्यार्थिनी उपलब्ध न झाल्यासच अशांचा विचार केला जातो.

अर्ज करण्याची शेवटची तारीख १० ऑक्टोबर २०२२ ही आहे.

हा अर्ज maharashtra.gov.in या संकेतस्थळावरील रोजगार लिंक येथे ठेवण्यात आला आहे.
संपर्क- आयुक्त समाजकल्याण, ३, चर्च रोड, पुणे- ४११००१
ईमेल – swcedn.nattionalscholar@gmail.com

मराठीतील सर्व चतुरा ( Women ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
विद्यार्थिनींना देशापरदेशातील शिक्षणासाठी व्याजमुक्त अर्थसहाय्य

संबंधित बातम्या

लैंगिक समस्या प्रश्नोत्तरे : मासिक पाळी बंद होण्याचा काळ कोणता?
मी असुनही नसल्यासारखीच…, नवरा दुर्लक्ष करत असेल कर ‘या’ ५ टिप्स वाढवतील संसारात गोडवा
नवरात्री उत्सव: आध्यात्मिक आणि धार्मिक महत्त्व
लवकर म्हातारं न दिसण्यासाठी… या ९ टिप्स!

व्हिडिओ

ताज्या बातम्या
गर्भधारणा झाल्यानंतर ३ ते ४ दिवसांनी शरीरात दिसू लागतात ‘ही’ ५ लक्षणे; जाणून घ्या कसे ओळखावे
‘प्रत्येकाची बुद्धी असते, कोण काय बोलले याकडे मी लक्ष देत नाही’; उदयनराजेंचा शिवेंद्रराजेंना अप्रत्यक्षपणे टोला
हम साथ साथ है! शस्त्रक्रिया होताना लालू प्रसादांच्या पाठीशी संपूर्ण कुटुंब, मुलीने केली किडनी दान
VIDEO: ‘अपना एक स्टाईल है, इलाका तुम्हारा और धमाका हमारा’, मनसेच्या इशाऱ्यावर सुषमा अंधारेंचं प्रत्युत्तर, म्हणाल्या…
परेश रावल यांच्या अडचणीत वाढ; ‘या’ कलमांखाली गुन्हा दाखल