भारतीय नौदल आणि नेव्ही वेलफेअर अँड वेलनेस असोसिएशन यांच्या संयुक्त विद्यमाने दिल्ली – लोंगेवाल – दिल्ली या मार्गावर १२ दिवसांच्या ऑल इंडिया विमेन कार रॅलीचे आयोजन करण्यात आले आहे. नौदलाच्या ताफ्यातील साहसी महिलांद्वारा या रॅलीचे संचालन होत आहे. भारतीय नौदलामध्ये अधिकारी होण्यासाठी अनेक अकल्पित आव्हानांना धैर्याने, दृढ निश्चय – संयमाने सामोऱ्या जाणाऱ्या महिलांच्या शौर्यगाथा ठळकपणे मांडण्यात येणार आहेत.

आणखी वाचा : ‘ती’ आई आहे म्हणुनि…

attack on Kyrgyzstan hostels housing Indian, Pakistani students
विश्लेषण: भारतीय आणि पाकिस्तानी विद्यार्थ्यांवर किरगिझस्तानमध्ये हल्ला; नेमके काय घडले?
Loksabha election 2024 BJP list of claims on what it will do with 400 plus MP
राम मंदिरानंतर ‘कृष्ण मंदिरा’साठी भाजपाला हव्या चारशेपार जागा?
Sangli, Kasab, Pakistan,
सांगली : बॉम्बस्फोटाची धमकी देणाऱ्या पाकिस्तानातील कसाबविरुद्ध गुन्हा दाखल
India-US on Chabahar Port deal
Chabahar Port Agreement: इराणशी सहकार्य करणाऱ्यांना फळं भोगावी लागतील! अमेरिकेची भारताला गर्भित धमकी
Indian Army Notification 2024 Registration Begins from May 13 short notification for 52nd TES course Read Details
१२ वी पास उमेदवारांना भारतीय सैन्यात नोकरीची संधी! ‘या’ पदासाठी अर्ज प्रक्रिया सुरू; जाणून घ्या पात्रता आणि निकष
Autobiography of Ajay Bisaria Ambassador of India to Pakistan History of India Pakistan Relations
भारतीयाने इस्लामाबादेतून पाहिलेला भारत..
Indians please come back to Maldives and be part
भारतीयांनो कृपया मालदीवमध्ये परत या अन् पर्यटनाचा भाग व्हा; चीन समर्थक मुइझ्झू सरकारची मोदी सरकारकडे याचना
Farooq Abdullah controversial statement
पाकिस्ताननं हातात बांगड्या भरल्या नसून त्यांच्याकडे अणूबाँब आहेत; फारुक अब्दुल्ला

भारतीय नौदल आणि जीप इंडियाच्या संयुक्त विद्यमाने ही रॅली आयोजिण्यात आली आहे. दिल्लीपासून सुरू होत जयपूर, बिकानेर, जैसलमेर, लोंगेवाला, जोधपुर, उदयपूर असा सुमारे २३०० किमीचा प्रवास करत या रॅलीचा समारोप दिल्लीमधे होईल. नौदलातील महिला अधिकाऱ्यांच्या योगदाना प्रकाशझोतात आणणे, तरूणींना भारतीय नौदलामध्ये सामील होण्यासाठी प्रवृत्त करणे, लोंगेवाला युद्धस्मारकाच्या ठिकाणी श्रद्धांजली अर्पण करणे, संपूर्ण रॅलीमार्गात नौदलातील वीरांगनांशी संवाद साधणे, एनडब्ल्यूडब्ल्यूए (नेव्ही वेल्फेअर अॅण्ड वेलनेस असोसिएशन) दिनाचे औचित्य म्हणून एनडब्ल्यूडब्ल्यूएचे उद्देश, हेतू सर्वांपर्यंत पोहोचवणे आदी उद्देशाने ही रॅली आयोजित करण्यात आली आहे. ‘शी इज अनस्टॉपेबल’ हे या रॅलीचे बोधवाक्य आहे. या मोहिमेचे आभासी उद्घाटन नौदल प्रमुख अॅडमिरल आर. के. हरी कुमार यांच्याहस्ते पार पडले.

आणखी वाचा :  घटस्फोट म्हणजे काही रोग नव्हे घटस्फोटिता कुटुंब नवरा बायको लग्न संसार …

`शी इज अनस्टॉपेबल’ या अनोख्या रॅलीमध्ये महिला नौदल अधिकारी आणि खलाशी तसेच जीवनाच्या विविध क्षेत्रांमध्ये यश संपादन केलेल्या नौदल अधिकाऱ्यांच्या पत्नींचा समावेश आहे. भारतीय नौदलामध्ये आपल्या भरीव कामगिरीने बदल घडवून आणणाऱ्या आणि संपूर्ण नौदलासाठी आदर्श ठरलेल्या महिलाही यात सहभागी होणार आहेत. या आगळ्या साहस मोहिमेविषयी जीप इंडियाच्या प्रमुख निपुण जे. महाजन म्हणाल्या, केवळ संपूर्णपणे महिलांसाठी खास अशी मोहीम राबविणाऱ्या भारतीय नौदलाच्या पाठीशी उभे राहणे हे आम्हांला सन्माननीय वाटते. एक ब्रँड म्हणून आम्ही नेहमीच महिला नेतृत्व आणि सर्वच क्षेत्रातील महिलांच्या समानतेवर विश्वास ठेवत आलो आहोत. असीम साहस आणि झोकून देत काम करणाऱ्या महिलांचा ही मोहीम म्हणजे आगळा सन्मानच आहे. रॅलीदरम्यान एनडब्ल्यूडब्ल्यूए च्यावतीने विशेष मुलांच्या शाळा, वृद्धाश्रम आणि अनाथालयांमधून कार्यक्रम आयोजित केले जाणार आहेत. तर महिला अधिकारी भारतीय नौदलाच्यावतीने या क्षेत्रातील करीअर आणि उपजीविकेच्या संधींविषयी जागरूकता मोहिमही राबविणार आहेत.
(शब्दांकन : साक्षी सावे)