WPL मध्ये RCB च्या संघाने गुजरात जाएंट्सना हरवत विजय मिळवला. रॉयल चॅलेंजर्स बँगलोर या संघाचा हा सलग दुसरा विजय होता. मात्र या सामन्यात झुंजार खेळी की ती सोफी डिव्हाईनने. सोफी ही किवी प्लेअर आहे. ३६ चेंडूंमध्ये तिने ९९ धावांची आतषबाजी केली. या ९९ धावा करताना सोफीने ९ चौकार आणि ८ षटकारांचे जे काही उत्तुंग फटके तिने लगावले त्यामुळे शनिवारची तिची खेळी ही खूप महत्त्वाची कामगिरी करणारी ठरली. आपण जाणून घेऊ कोण आहे सोफी डिव्हाईन?

कोण आहे सोफी डिव्हाईन?

सोफी डिव्हाईन ही न्यूझीलँडची प्लेअर आहे. सुरूवातीला ती न्यूझीलँडसाठी हॉकी खेळत होती. मात्र नंतर तिने क्रिकेट हेच आपलं करिअर निवडलं. बॅट्समन म्हणून ती काय कमाल करू शकते हे तिने RCB च्या गुजरातसोबतच्या सामन्यात शनिवारी दाखवून दिलं. ३३ वर्षीय सोफी डिव्हाईन न्यूझीलँड वुमन्स टीमची कर्णधार आहे. तिने मागच्या महिन्यात T20 वर्ल्ड कपमध्ये भाग घेतला होता.

Kapil Dev Says Some people will suffer but no one is bigger than the country
Kapil Dev : “काही लोकांना त्रास होईल, परंतु देशापेक्षा कोणीही…”, कपिल देव यांनी बीसीसीआयच्या ‘त्या’ निर्णयाचे केले स्वागत
Sourav Ganguly Reacts After Sunil Gavaskar Called Dhruv Jurel The Second Rising MS Dhoni
Sourav Ganguly : ‘माही’भाईशी जुरेलची तुलना होताच ‘दादा’ची रोखठोक प्रतिक्रिया; म्हणाला, “धोनीला धोनी बनण्यासाठी…”
team india kl rahul bcci
IND Vs ENG : केएल राहुल पाचव्या कसोटीलाही मुकणार, संघात दिग्गज खेळाडूचं पुनरागमन; अशी असेल टीम इंडिया
kl rahul still not fit likely to miss 5th Test against england in dharamsala
केएल राहुल अजूनही जायबंदीच;अखेरच्या कसोटी सामन्यातही खेळण्याची शक्यता कमीच

सोफीच्या नावावर वुमन्स टी२० मध्ये सर्वात वेगवान शतक झळकवण्याचा रेकॉर्ड आहे. जानेवारी २०२१ मध्ये झालेल्या सुपर स्मॅश टूर्नामेंटमध्ये सोफीने फक्त ३६ चेंडूंमध्ये १०० रन केले होते.

वयाच्या ३० व्या वर्षापर्यंत सोफीने न्यूझीलँडतर्फे १०५ एक दिवसीय सामने खेळले होते तर ९१ टी २० मॅचेस खेळल्या होत्या. दिवसागणिक यामध्ये भरच पडते आहे. एवढंच नाही तर सोफी हेल्मेट न घालता खेळण्यासाठीही प्रसिद्ध आहे. सोफीचा जन्म १ सप्टेंबर १९८९ ला झाला आहे. तिचं पूर्ण नाव सोफी फ्रान्सेस म्युनिक डिव्हाईन असं आहे. सोफी वयाच्या चौथ्या वर्षापासून क्रिकेट आणि हॉकी हे दोन खेळ खेळते आहे. सोफीचं शिक्षण न्यूझीलँडच्या Tawa College मध्ये झालं आहे. तिने वयाच्या १४ व्या वर्षी प्रोफेशनल हॉकी खेळण्यास सुरूवात केली. तसंच फर्स्ट क्लास क्रिकेटही तिने वयाच्या १४ व्या वर्षीच सुरू केलं. सोफीने University of Canterbury मधून सोशोलॉजीची डिग्री घेतली आहे. न्यूझीलँडच्या वुमन क्रिकेट टीमसाठी म्हणजेच द व्हाईट फर्न्ससाठी सोफी वयाच्या १७ व्या वर्षापासून खेळते आहे.

सोफीच्या शतकांचा रेकॉर्ड कसा आहे?

२०१२ कटकच्या Driems ग्राऊंडवरून साऊथ अफ्रिकेविरोधात खेळताना सोफीने १४५ धावा केल्या होत्या

२०१७ मध्ये शारजा क्रिकेट स्टेडियम UAE मध्ये तिने पाकिस्तानविरोधात झुंजार खेळी करत १०३ धावा केल्या होत्या.

२०१८ मध्ये बर्ट ओव्हल मैदान न्यूझीलँड या ठिकाणी वेस्ट इंडिज विरोधात खेळताना सोफीने १०८ धावांचा डोंगर उभा केला होता

२०१८ मध्ये आयर्लंड विरोधात खेळताना सोफीने १०८ धावा केल्या होत्या

तर २०१८ याच वर्षी सोफीने इंग्लंडविरोधात खेळताना ११७ धावा केल्या आणि नाबादही राहिली होती

न्यूझीलँडमध्यल्या बे ओव्हल ग्राऊंडवर खेळातना सोफीने वेस्ट इंडिजच्या विरोधात १२७ धावा केल्या होत्या.

T20 मधला शतकी खेळीचा रेकॉर्ड

२०२० मध्ये साऊथ अफ्रेकेविरोधात खेळताना सोफीने १०५ धावांची खेळी केली होती. न्यूझीलंडची झुंजार बॅट्समन सोफी ही सध्या RCB कडून खेळते आहे.