Who is Neha Narkhede ? India’s youngest and richest women entrepreneur | Know about Neha Narkhede in Marathi | Loksatta

४७०० कोटींची मालमत्ता असणाऱ्या नेहा नारखेडे आहेत तरी कोण?

Neha Narkhede Women Entrepreneur: कॅलिफोर्निया येथे स्थायिक झालेल्या ३७ वर्षीय नेहा नारखेडे सर्वात तरुण सेल्फ- मेड भारतीय स्त्री उद्योजिका ठरल्या असून त्यांच्या मालमत्तेचे मूल्य ४७०० कोटींचे आहे

४७०० कोटींची मालमत्ता असणाऱ्या नेहा नारखेडे आहेत तरी कोण?
नेहा नारखेेडे ठरल्या सर्वात तरुण श्रीमंत उद्योजिका

सायली परांजपे

गेल्या आठवड्यात आयआयएफएल वेल्थ हुरुन इंडिया रिच लिस्ट २०२२ प्रसिद्ध झाली. एकंदर धनाढ्यांच्या संपत्तीबद्दल जनसामान्यांमध्ये बऱ्यापैकी औत्सुक्य असल्यामुळे अशा याद्यांवर बरीच चर्चा होते. जगभरातील श्रीमंत भारतीयांची यादी, त्यांच्या संपत्तीत वर्षभरात झालेली वाढ असे अनेक तपशील आयआयएफएलच्या वेल्थ हुरुन इंडिया रिच लिस्टमध्ये आहेत.

भारतातील उद्योजक गौतम अदाणी अर्थातच या यादीत पहिल्या क्रमांकावर आहेत, तर त्यांचे भाऊ विनोद शांतीलाल अदाणी सर्वांत श्रीमंत एनआरआय ठरले आहेत. झेप्टोचा संस्थापक अवघा १९ वर्षीय कैवल्य वोहरा यादीतील सर्वांत तरुण सदस्य ठरला आहे. मात्र, या यादीतील ३३६व्या क्रमांकावरील नावाने सर्वांचे लक्ष वेधून घेतले. ते नाव म्हणजे नेहा नारखेडे.

आणखी वाचा : नवरात्रीचे नऊ रंग नेमके कसे ठरवले जातात? जाणून घ्या यामागे दडलेले गुपित

अमेरिकेतील कॅलिफोर्निया येथे स्थायिक झालेल्या ३७ वर्षांच्या नेहा नारखेडे या यादीतील सर्वांत तरुण सेल्फ-मेड भारतीय स्त्री उद्योजक ठरल्या आहेत. त्यांची मालमत्ता सुमारे ४७०० कोटी रुपये एवढ्या मूल्याची आहे. हुरुन इंडिया रिच लिस्टमधील या टिपिकल मराठी आडनावाच्या स्त्रीबद्दल त्यामुळे चांगलीच उत्सुकता निर्माण झाली आहे. नेहा यांच्याबद्दल जाणून घेण्यासाठी त्यांची सोशल मीडियावरील प्रोफाइल्स पुरेशी बोलकी आहेत. फेसबुक किंवा इन्स्टाग्रामसारख्या व्यक्तिगत माहिती देणाऱ्या सोशल मीडिया साइट्सवरून नेहा नारखेडे यांच्याबद्दल फारशी माहिती मिळत नसली, तरी लिंक्डइनसारख्या प्रोफेशनल साइट्सवरून नेहा यांच्या प्रवासाबद्दल बरेच काही जाणून घेणे शक्य आहे.

आणखी वाचा : ‘पीसीओडी’मध्ये उपयुक्त आहार विहार

नेहा यांचा जन्म आणि शिक्षण पुण्यात झाले आहे. पुणे विद्यापीठातील पुणे इन्स्टिट्यूट ऑफ कॉम्प्युटर टेक्नोलॉजीमधून त्यांनी कॉम्प्युटर सायन्समध्ये इंजिनीअरिंगची पदवी घेतली. कंपन्यांद्वारे मोठ्या प्रमाणात वापरला जात आहे. फॉर्च्युन हंड्रेड कंपन्यांपैकी ६० टक्के कंपन्या अपाचे काफ्काचा वापर करत आहेत, अशी माहिती स्वत: नेहा यांनी, २०१९ साली लंडनमध्ये झालेल्या अपाचे काफ्का समिटदरम्यान दिली होती. आजही नव्याने स्थापन होणाऱ्या कंपन्या या प्लॅटफॉर्मचा वापर करतात, असे नेहा यांनी सांगितले.

सध्याच्या उद्योगविश्वात होत असलेले बदल आणि तंत्रज्ञानाला प्राप्त होत असलेले केंद्रीय स्थान याबद्दल नेहा म्हणतात, “पूर्वी तंत्रज्ञान विभागाचा विचार उद्योगातील सहाय्यकारी विभाग म्हणून केला जात होता आणि सीआयओकडे तांत्रिक प्रमुख म्हणून बघितले जात होते, आज तंत्रज्ञान हाच प्रमुख उद्योग झाला आहे आणि सीआयओ या उद्योगाचा नेता झाला आहे.”

मराठीतील सर्व चतुरा ( Women ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
लैंगिक छळ प्रतिबंधक कायदा- कार्यालयीन सुरक्षेची जबाबदारी कोणाची?

संबंधित बातम्या

‘त्या’ ठिकाणचे केस काढण्यापूर्वी हे वाचा!
मेन्टॉरशिप : भार्गवी चिरमुले – एखाद्या गोष्टीकडे पाहण्याचा दृष्टिकोनही असतो तुमचा मेन्टॉर !
फॅशनमधले अचाट तोडगे – ‘डीटॅचेबल’ बाह्या!
लैंगिक समस्या प्रश्नोत्तरे : स्तन मोठे करता येतील का?
‘जेव्हा ती एकटी…’ मुंबई लोकलमधील हा व्हिडीओ व्हायरल का होतोय एकदा पाहाच

व्हिडिओ

ताज्या बातम्या
Himachal Pradesh Election Result 2022 : हिमाचल प्रदेशमधील पराभवावर पंतप्रधान मोदींनी केलं भाष्य; म्हणाले…
राज्यपालांच्या वक्तव्याच्या निषेधार्थ पुकारलेल्या ‘पुणे बंद’ला व्यापाऱ्यांचा पाठिंबा
गुजरात निवडणुकीनंतर ‘आप’ला राष्ट्रीय पक्षाचा दर्जा, अरविंद केजरीवालांनी मानले जनतेचे आभार; म्हणाले, “आम्ही केवळ…”
“देशासमोर आव्हानं असताना, जनतेचा विश्वास भाजपावर”, पंतप्रधानांची मोदींची प्रतिक्रिया; म्हणाले, “ज्यांनी कधीच काँग्रेसला…”
Viral Video: काही सेकंदातच कोमोडो ड्रॅगनने हरणाला गिळलं, शेवटचा क्षण पाहिल्यानंतर अंगावर काटा येईल