भारतीय सट्टेबाज सध्या रविवारी होणाऱ्या भारत-पाकिस्तान यांच्यातील सामन्याबाबत कमालीचे उत्सुक आहेत. या दोन देशांतील सामना हा जागतिक सट्टेबाजांसाठीही पर्वणी ठरत असते. भारतीय पंटर्सनीही या सामन्यांसाठी कोटय़वधी रुपयांचा सट्टा लावला आहे. रविवारच्या सामन्यासाठी भारताला ५० पैसे तर पाकिस्तानला दीड रुपया भाव देऊ करण्यात आला आहे. हा सामना अटीतटीचा होईल, अशी अटकळ बांधून प्रत्येक दहा षटकांसाठी वेगवेगळा भाव दिला आहे. ऑस्ट्रेलिया-इंग्लड यांच्यातील सामना ऑस्ट्रेलिया तर दक्षिण आफ्रिका -झिम्बाव्वे यांच्यातील सामन्यात दक्षिण आफ्रिका सहज विजयी होईल, असा सट्टेबाजांचा दावा आहे. भारतीय सट्टेबाजांनी झिम्बाव्वे जिंकू शकेल, यासाठी एका प्रसंगी ११ रुपये भाव दिला आहे. आजचा भावऑस्ट्रेलिया : ३५ पैसे; इंग्लंड : २ रुपयेदक्षिण आफ्रिका : २५ पैसे; झिम्बाव्वे : ३.५० रुपये
