विजयाच्या लाटेवर भारत आणि आर्यलड हे दोन्ही संघ स्वार झालेले आहेत. भारत बलाढय़ आहे, तर प्रतिस्पर्धी आर्यलडने ‘लिंबू-टिंबू’ हा शिक्का पुसलेला आहेत. भारतीय संघ उपांत्यपूर्व फेरीत पोहोचला असला तरी आर्यलडला बाद फेरीत पोहोचण्यासाठी हा सामना महत्त्वाचा असेल. न्यूझीलंडच्या मैदानावर भारतीय संघ पहिला सामना खेळत असून ऑस्ट्रेलियातील विजयांचा सिलसिला कायम राखण्यासाठी प्रयत्नशील असेल, तर दुसरीकडे भारताला धक्का देऊन इतिहासात प्रथमच बाद फेरीत पोहोचण्यासाठी आर्यलडचा संघ सज्ज असेल.भारताने आतापर्यंतच्या चारही सामन्यांमध्ये विजय मिळवीत उपांत्यपूर्व फेरीत दिमाखात प्रवेश केला आहे. चारही सामन्यांमध्ये भारतीय गोलंदाजांनी आपली छाप पाडली आहे. मोहम्मद शमी भन्नाट फॉर्मात आहे. त्याला उमेश यादव आणि मोहित शर्मा चांगली साथ देत आहेत. आर. अश्विनची फिरकीही प्रतिस्पध्र्याना चकित करत आहे. पण या सामन्यात भुवनेश्वर कुमार आणि स्टुअर्ट बिन्नी यांना संधी मिळणार का, याची उत्सुकता असेल. फलंदाजीमध्ये रोहित शर्मा अजूनही फॉर्मात आलेला नाही आणि हीच संघासाठी मोठी चिंता असेल. शिखर धवन, विराट कोहली, अजिंक्य रहाणे, सुरेश रैना आणि कर्णधार महेंद्रसिंग धोनीही आता चांगल्या फॉर्मात दिसत आहे. पण या सर्वासाठी फॉर्म फुलवण्यासाठी ही लढत म्हणजे चांगली संधी ठरू शकेल.आर्यलडने चारपैकी तीन सामन्यांमध्ये विजय मिळवत सहा गुणांसह चौथे स्थान पटकावले आहे. त्यांनी या सामन्यात जर भारताला पराभूत केले तर त्यांना थेट उपान्त्यपूर्व फेरीचे दरवाजे खुले होऊ शकतात, पण या सामन्यात पराभूत झाल्यास त्यांना पाकिस्तानविरुद्धच्या सामन्याची वाट पाहावी लागेल. फलंदाजीमध्ये एड जोयससारखा अनुभवी शिलेदार आहे. पॉल स्टर्लिग, केव्हिन ओ’ब्रायन, निल ओ’ब्रायनसारखे दमदार अष्टपैलू खेळाडू आहेत. तर अ‍ॅलेक्स क्युसॅकसारखा परिस्थितीला योग्य हाताळत भेदक मारा करणारा गोलंदाज आहे. बलाढय़ संघाला नमवण्यासाठी ज्या गोष्टींची गरज असते ते त्यांच्या संघात नक्कीच आहे. त्यामुळे लौकिकाला साजेसा खेळ केल्यास त्यांना भारताला धक्का देता येऊ शकतो.दोन्ही संघ पाहिले तर नक्कीच आर्यलडपेक्षा भारतीय संघ बलाढय़ आहे आणि त्यांनाच सामना जिंकण्याची सर्वाधिक संधी आहे. पण आर्यलडने वेस्ट इंडिजला धक्का दिलेला आहे, त्याचबरोबर झिम्बाब्वेवर गेल्या सामन्यात विजय मिळवल्याने त्यांचे मनोबल कमालीचे उंचावलेले असेल. त्यामुळे भारतीय संघ गाफील राहिल्यास आर्यलडला वरचढ होण्याची सुवर्णसंधी असेल.सामना क्र. : ३४ भारत वि. आर्यलड स्थळ : हॅमिल्टन ल्ल वेळ : मंगळवारी पहाटे ६.३० वा. पासूनबोलंदाजीगोलंदाजीमध्ये मला मोठे बदल करायचे नव्हते. पण शोएब अख्तरने माझ्या धावण्याच्या शैलीत काही बदल करायला सांगितले आणि त्याचा फायदा झाला. पर्थवर गोलंदाजी करण्याचा आनंद मिळाला. आता न्यूझीलंडमध्ये खेळताना गोलंदाजी आणि रणनीतीमध्ये मला मोठे बदल करायचे नाहीत. आताची माझी कामगिरी ही समाधानकारक असून त्यामध्ये सातत्य राखण्यावरच माझा भर असेल.- मोहम्मद शमी (भारत)झिम्बाब्वेवर आम्ही थराराक विजय मिळवला. आता बाद फेरीत पोहोचण्याच्या दृष्टीने आमच्यासाठी भारताविरुद्धचा सामना फार महत्त्वाचा असेल. आतापर्यंत आम्ही सातत्याने चांगली कामगिरी करत आलो आहोत. संघातील काही कच्च्या दुव्यांवर नक्कीच आम्ही मेहनत घेणार आहोत. पण हा सामना जिंकून बाद फेरीत पोहोचण्याचे आमचे ध्येय असेल. भारत हा बलाढय़ संघ आहे, पण तरीही आम्ही जिंकण्यासाठीच उतरणार आहोत.विल्यम पोर्टरफील्ड (आर्यलड)संघभारत : महेंद्रसिंग धोनी (कर्णधार/यष्टिरक्षक), शिखर धवन, रोहित शर्मा, विराट कोहली, अजिंक्य रहाणे, सुरेश रैना, अंबाती रायुडू, रवींद्र जडेजा, रविचंद्रन अश्विन, अक्षर पटेल, मोहित शर्मा, मोहम्मद शमी, उमेश यादव, भुवनेश्वर कुमार, स्टुअर्ट बिन्नी. प्रशिक्षक : डंकन फ्लेचरआर्यलड : विल्यम पोर्टरफील्ड (कर्णधार), अँडी बलबिर्नी, पीटर चेस, अ‍ॅलेक्स क्युसॅक, जॉर्ज डॉकरेल, एड जोयस, अँडी मॅकब्रायन, जॉन मूनी, केव्हिन ओब्रायन, निआल ओब्रायन, मॅक्स सोरेनसेन, पॉल स्टर्लिग, स्टुअर्ट थॉम्पसन, गॅरी विल्सन (यष्टिरक्षक), क्रेग यंग. प्रशिक्षक : फिल सिमॉन्सखेळपट्टीही खेळपट्टी स्विंग गोलंदाजांसाठी पोषक समजली जाते. पण सध्याच्या घडीला ही खेळपट्टी फलंदाजीसाठी पोषक बनवण्यात आली आहे. या खेळपट्टीवर गोलंदाजांना जास्त स्विंग मिळणार नाही, त्याचबरोबर फिरकीलाही ही खेळपट्टी पोषक नसेल. खेळपट्टी अधिक टणक बनवण्यात आली असून चेंडूला चांगली उसळीही मिळेल. मैदानाचे आकारमान छोटे असल्यामुळे मोठी धावसंख्या उभारता येऊ शकते.आमने सामनेसामने : २भारत : २ ’ आर्यलड : ०
