06 July 2020

News Flash

विश्वचषकात सलग दोन पराभवांमुळे पाकच्या पंतप्रधानांविरोधात याचिका!

विश्वचषक स्पर्धेतील सलगच्या दोन पराभवांमुळे पाकिस्तान संघाच्या एका नाराज चाहत्याने थेट पंतप्रधान नवाझ शरीफ यांनाच आरोपीच्या पिंजऱयात उभे केले आहे.

| February 24, 2015 11:34 am

विश्वचषक स्पर्धेतील सलगच्या दोन पराभवांमुळे पाकिस्तान संघाच्या एका नाराज चाहत्याने थेट पंतप्रधान नवाझ शरीफ यांनाच आरोपीच्या पिंजऱयात उभे केले आहे.
पाकिस्तानला विश्वचषकात सलामीच्या सामन्यात पारंपारिक प्रतिस्पर्धी भारतीय संघाविरोधात ७६ धावांनी पराभवाला सामोरे जावे लागले. तर, दुसऱया सामन्यात वेस्ट इंडिजने पाकला तब्बल १५० धावांनी धूळ चारली. सलगच्या दोन मोठ्या पराभवांमुळे पाकिस्तानी क्रिकेट चाहत्यांमध्ये संतापाचे वातवरण आहे. अशाच एका नाराज चाहत्याने न्यायालयात धाव घेत विश्वचषकातील पाकिस्तान संघाच्या वाईट कामगिरीबाबत तपास करण्याची मागणी केली आहे. त्याने पाकिस्तानचे पंतप्रधान नवाझ शरीफ आणि पाकिस्तानचे क्रिकेट मंडळ यांच्याविरोधात याचिका दाखल केली आहे.
दरम्यान, भारताविरुद्धच्या पराभवाचे पाकिस्तानमध्ये तीव्र पडसाद उमटले होते. पाकिस्तानी क्रिकेट चाहत्यांनी या पराभवानंतर संतप्त होऊन घरातील टेलिव्हिजन सेट्स फोडून आपला पाकच्या पराभवाची नाराजी व्यक्त केली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 24, 2015 11:34 am

Web Title: world cup petition filed against pakistans poor performance
Next Stories
1 अंतरंग क्रिकेटविश्वाचे : चोकर्स.. चोकर्स.. चोकर्स!
2 एक्स्ट्रा इंनिग : एका लग्नाची दुसरी गोष्ट!
3 मी आनंदी, पण समाधानी नाही!
Just Now!
X