आपल्या उत्तम कामगिरीने गेल्या काही वर्षांत कंपनीने भागधारकांना भरपूर फायदा करून दिला आहे. डिसेंबर २०१५ अखेर समाप्त तिसऱ्या तिमाहीसाठी कंपनीने १२४.२९ कोटी रुपयांच्या उलाढालीवर १४.५४ कोटी रुपयांचा नक्त नफा कमावला आहे. गेल्या तिमाहीच्या तुलनेत तो थोडा कमी असला तरीही इतर कंपन्यांच्या तुलनेत कंपनीची कामगिरी सरसच आहे. तसेच अंबिकावर कर्ज फारच कमी असून त्याचा परिणाम भविष्यात नफा वाढण्यात होऊ शकेल. मार्च २०१६ साठी संपणाऱ्या आर्थिक वर्षांचे निकाल हे सदर आपल्या वाचनात येईपर्यंत आले असतील. निकाल कसाही असला तरीही गेली पाच वर्षे सातत्याने सरासरी २२.६०% वार्षिक वाढ दाखवणारी ही केवळ ०.४० बीटा असलेली कंपनी दीर्घकालीन गुंतवणुकीसाठी योग्य वाटते.
सूचना: लेखकाची वा त्याच्या जवळच्या नातेवाईकांची (उपलब्ध माहितीप्रमाणे) लेखात सुचविलेल्या कंपनीच्या शेअर्समध्ये कुठलीही गुंतवणूक नाही किंवा असल्यास ती १% पेक्षा कमी आहे. तसेच सुचविलेल्या कंपनीशी लेखकाचा कुठलाही संबंध नसून त्याने कंपनीकडून कुठलेही मानधन अथवा भेटवस्तू घेतलेली नाही.
अजय वाळिंबे – stocksandwealth @gmail.com