शाकाहारी बर्गरऐवजी मांसाहारी बर्गर दिल्याबद्दल ग्राहकाला १५ हजार रुपये नुकसानभरपाई द्यावी, असा आदेश ग्राहक मंचाने ‘फास्ट फूड जायंट’ अशी बिरुदावली मिरविणाऱ्या मॅकडोनाल्डला दिला.शाकाहारी बर्गरऐवजी मांसाहारी बर्गर देणे हा बर्गर पोहोचविणाऱ्या कर्मचाऱ्याचा निष्काळजीपणा आहे, त्याची वर्तणूक सेवेतील कमतरता या सदरात मोडते, असे ग्राहक निवारण कक्षाने म्हटले आहे.
ग्राहकाने केलेल्या तक्रारीची दखल घेऊन ग्राहक निवारण कक्षाने सदर ग्राहकाला नुकसानभरपाईपोटी १० हजार रुपये आणि न्यायालयाचा दरवाजा ठोठावण्यापोटी आलेला खर्च म्हणून पाच हजार रुपये असे एकूण १५ हजार रुपये देण्याचे आदेश मॅकडोनाल्डला दिले.