पुरावे नसल्यास, मिर्झाना तात्काळ सेवेत रुजू करून घ्या – काटजू

दहशतवाद्यांशी संबंध असल्याच्या आरोपाखाली प्रथम अटक करण्यात येऊन त्यानंतर राष्ट्रीय तपास संस्थेद्वारे जामिनावर मुक्तता करण्यात आलेले डीआरडीओ या संस्थेतील शास्त्रज्ञ अझीझ अहमद मिर्झा यांच्याविरोधात पुरावे नसतील तर त्यांना सेवेत रुजू करून घेण्यात यावे, अशी सूचना प्रेस कौन्सिल ऑफ इंडियाचे अध्यक्ष मरकडेय काटजू यांनी केली.

दहशतवाद्यांशी संबंध असल्याच्या आरोपाखाली प्रथम अटक करण्यात येऊन त्यानंतर राष्ट्रीय तपास संस्थेद्वारे जामिनावर मुक्तता करण्यात आलेले डीआरडीओ या संस्थेतील शास्त्रज्ञ अझीझ अहमद मिर्झा यांच्याविरोधात पुरावे नसतील तर त्यांना सेवेत रुजू करून घेण्यात यावे, अशी सूचना प्रेस कौन्सिल ऑफ इंडियाचे अध्यक्ष मरकडेय काटजू यांनी केली.
राष्ट्रीय तपास संस्थेने मिर्झा यांच्याविरोधात आरोपपत्र दाखल केले नव्हते. हा धागा पकडत, जर मिर्झा यांच्याविरोधात पुरावे नसतील तर त्यांना कामावर पूर्वीप्रमाणे रुजू करून घ्यावे आणि त्यांना योग्य ती नुकसानभरपाई देण्यात यावी, अशी विनंती संरक्षणमंत्री ए. के. अँटोनी आणि कर्नाटकचे मुख्यमंत्री जगदीश शेट्टर यांना लिहिलेल्या पत्रात काटजू यांनी केली आहे. तसेच या प्रकरणी मिर्झा यांची जी बदनामी झाली त्याबद्दल केंद्र आणि राज्य सरकारने अझीझ अहमद मिर्झा यांची जाहीर माफी मागावी, अशी सूचनाही काटजू यांनी केली आहे.
 अझीझ अहमद मिर्झा यांच्याविरोधात पुरावे नसतानाही त्यांच्यावर कारवाई केली गेली असेल तर, भारतभर सर्वच मुस्लीम व्यक्ती दहशतवादी असतात, असा  चुकीचा संदेश जाऊ शकतो, अशी भीतीही त्यांनी आपल्या पत्रातून व्यक्त केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Reinstate mirza in drdo if no evidence against him katju

Next Story
video : रक्तस्त्राव ‘तिला’ रोखू शकत नाही !
ताज्या बातम्या
फोटो गॅलरी