भारतामध्ये Airtel ही एक लोकप्रिय टेलिकॉम कंपनी आहे. एअरटेलने देशातील अनेक शहरांमध्ये आपले ५ जी नेटवर्क सुरू केले आहे. तसेच ग्राहकांसाठी सतत नवनवीन पोस्टपेड व प्रीपेड रिचार्ज प्लॅन एअरटेल लॉन्च करत असते. आतासुद्धा कंपनीने एक नवीन रिचार्ज प्लॅन लॉन्च केला आहे. त्यात ग्राहकांना कोणकोणते फायदे मिळणार आहेत ते पाहुयात.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

भारती एअरटेलने आपला २८९ रुपयांचा नवीन प्रीपेड रिचार्ज प्लॅन लॉन्च केला आहे. यामध्ये वापरकर्त्यांना ३५ दिवसांची वैधता मिळते. तसेच यामध्ये तुम्हाला ४ जीबी डेटा, ३०० एसएमएस आणि अनलिमिटेड व्हॉइस कॉलिंगचे फायदे मिळतात. यामध्ये एअरटेल थँक्सचा फायदा मिळतो. तसेच Apollo 24|7 सर्कल , मोफत हॅलोट्यून्स आणि विंक म्युझिक मोफत मिळते. याबाबतचे वृत्त telecomtalk ने दिले आहे.

हेही वाचा : Layoff News: Recruiting टीम मध्येच होणार कपात; ‘ही’ कंपनी २०० कर्मचाऱ्यांना कामावरून काढणार

एअरटेलने लॉन्च केलेला हा प्लॅन थोडासा वेगळा आहे. कारण इतर कोणतीही टेल्को कंपनी असा प्रीपेड प्लॅन ऑफर करत नाहीत. हा प्लॅन खरेदी केल्यास याचा रोजच्या वापराचा खर्च केवळ ८.२५ रूपये आहे.

एअरटेलचा असाच एक १९९ रूपयांचा प्रीपेड प्लॅन आहे. या प्लॅनमध्ये वापरकर्त्यांना ३० दिवसांची वैधता मिळते. यामध्ये २८९ रूपयांच्या प्लानप्रमाणेच कंपनी फायदे देते. ३ जीबी डेटा, अनलिमिटेड व्हॉइस कॉल्स आणि ३०० एसएमएस करण्याचे फायदे मिळतात. १९९ रुपयांच्या प्लॅनमध्ये प्लॅन वापरण्याचा रोजचा खर्च ६.६३ रुपये इतका आहे.

हेही वाचा : फोटोग्राफीसाठी स्मार्टफोन शोधताय? ‘हे’ आहेत २०० मेगापिक्सलचा कॅमेरा असणारे बेस्ट मोबाईल, संपूर्ण यादी पहाच

वापरकर्ते त्यांच्या गरजेनुसार, २८९ रू. , किंवा १९९ रूपयांचा प्लॅन खरेदी करू शकता. भारती एअरटेल देशातील प्रत्येक भागामध्ये आपले ५जी नेटवर्क वेगाने सुरू करत आहेत. तसेच अनलिमिटेड ५ डेटा वापरण्याची परवानगी देत आहे. जर का तुम्ही २३९ किंवा त्याहून अधिक किंमतीचा प्रीपेड प्लॅन खरेदी केल्यास तुम्हाला एअरटेलकडून अनलिमिटेड ५जी डेटा प्राप्त होऊ शकतो.

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Bharati airtel launch 289 rs recharge plan for 35 days validity with wynk music unlimited voice calls tmb 01