Premium

गुगल अकाउंट डिलीट कसे करायचे असा प्रश्न पडलाय? या सोप्या स्टेप्स लक्षात ठेवा, पाहा

कधीकधी काही कारणांमुळे आपले गुगल अकाउंट आपल्याला डिलीट करायचे असते, परंतु ते नेमके कसे करायचे हे समजत नाही. त्यासाठी या काही सोप्या स्टेप्सचा उपयोग करा.

delete your account with this easy steps
आपल्याला नको असलेले गुगल अकाऊंट डिलिट कसे करावे पाहा. [photo credit – freepik]

कोणत्याही कारणास्तव एखाद्या व्यक्तीला त्याचे गुगल अकाउंट डिलीट करायचे असल्यास काय बरं करावं हा प्रश्न पडलेला असतो. मग तुम्ही नवीन फोन घेतला असेल म्हणून आधीचे अकाउंट नकोय किंवा विनाकारण उघडलेले अकाउंट डिलीट करायचं असल्यास ते करणं फार सोपं आहे. परंतु, अकाउंट डिलीट करण्यासोबत काही महत्त्वाच्या गोष्टी तुम्हाला लक्षात ठेवणे गरजेचे आहे, ते कोणते ते पाहा.

या बातमीसह सर्व प्रीमियम कंटेंट वाचण्यासाठी साइन-इन करा

अकाउंट डिलीट करण्याचे तोटे

एखादे गुगल अकाउंट कायमस्वरूपी डिलीट केल्यास, त्यासोबत तुमचे सर्व फोटो, इमेल्स, फाईल्स, कॅलेंडर यासोबतच आतापर्यंतचा सर्व डाटादेखील डिलीट होतो. जी-मेल, ड्राइव्ह, प्ले यांसारख्या सर्व सेवांचा तुम्ही उपयोग करू शकणार नाहीत. त्यासोबतच गुगलवर खरेदी केलेल्या गोष्टी जसे की सिनेमा, संगीत, ॲप, गेम्स आणि टीव्ही कार्यक्रम या सर्व गोष्टीसुद्धा डिलीट होऊन जातील.

रिव्ह्यू आणि डाऊनलोड

एखादे अकाउंट डिलीट करण्यापूर्वी तुम्ही तुमचा सर्व डाटा एकदा तपासून आवश्यक वाटणारा डाटा डाऊनलोड करून घेऊ शकता. जर तुमचे जी-मेल अकाउंट ऑनलाइन बँकिंग, सोशल मीडिया आणि कोणत्याही ॲप्ससोबत लिंक्ड असल्यास, तुमच्या अकाउंटमधील रिकव्हरी ई-मेलची माहिती भरून घ्यावी.

हेही वाचा : सिमकार्ड खरेदी-विक्रीमध्ये होणार मोठे बदल; कोणते नियम बदलणार आणि केव्हापासून लागू होणार? जाणून घ्या…

अकाउंट डिलीट करणे

  • गुगल अकाउंटमधील डाटा आणि प्रायव्हसी या सेक्शनपाशी यावे.
  • तेथे सर्वात खाली ‘युअर डाटा अँड प्रायव्हसी’ हा पर्याय असेल, तो निवडावा.
  • तिथे गेल्यानंतर ‘मोर’ पर्याय क्लिक करून ‘डिलीट युअर गुगल अकाउंट’ हा पर्याय निवडावा.
  • त्यानंतर स्क्रीनवर येणाऱ्या सूचनांचे पालन करून आपले गुगल अकाउंट डिलीट करावे.
  • एक गुगल अकाउंट डिलीट केल्याने त्याचा परिणाम इतर कोणत्याही अकाउंटवर होणार नाही हे लक्षात असूद्या..

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Delete your google account with these simple and easy steps check it out dha

First published on: 07-12-2023 at 18:38 IST
Next Story
गुगलचे सर्वात मोठे आर्टिफिशियल इंटेलिजन्स मॉडेल लॉन्च! ओपन एआयच्या चॅट जीपीटीला टक्कर