Mobile Number Deactivation Scam: दूरसंचार विभागाने गेल्या वर्षी नोव्हेंबरमध्ये संशयास्पद कॉल घोटाळ्याबद्दल चेतावणी दिली होती. दरम्यान लोकसत्ताच्या कर्मचाऱ्यांना अलीकडेच अशा मोबाईल नंबरवरून अनेक वेळा कॉल आल्याने स्कॅमर्स पुन्हा त्याच पद्धतीचा अवलंब करत असल्याचे उघडकीस आले. या कॉल्सवरील आधीच रेकॉर्ड केलेला संदेश ऐकू येतो. जेव्हा आपण दूरसंचार सेवा प्रदात्याला (telecom service provider) कॉल करतो तेव्हा ऐकतो त्यासारखाच हा रेकार्डेट आवाज वाटतो, ज्यामुळे लोकांना ही खरी माहिती आहे असे वाटते. तुम्हालाही अशा संशयास्पद नंबरवरून कॉल येत असेल तर घाबरू नका. अशा नंबरवरून कॉल आल्यास ब्लॉक करण्याचा सल्ला दिला जातो. दूरसंचार विभागाने गेल्या वर्षी नोव्हेंबरमध्ये संशयास्पद कॉल घोटाळ्याबद्दल चेतावणी दिली होती. दरम्यान लोकसत्ताच्या कर्मचाऱ्यांना अलीकडेच अशा मोबाईल नंबरवरून अनेक वेळा कॉल आल्याने स्कॅमर्स पुन्हा त्याच पद्धतीचा अवलंब करत असल्याचे दिसते. या कॉल्सवरील आधीच रेकॉर्ड केलेला संदेश हा जेव्हा आपण दूरसंचार सेवा प्रदात्याला (telecom service provider) कॉल करतो तेव्हा ऐकता त्यासारखाच वाटतो, ज्यामुळे लोकांना ही खरी माहिती आहे असे वाटते. तुम्हाही अशा संशयास्पद नंबरवरून कॉल येत असेल तर घाबरू नका. असे नंबर ब्लॉक करण्याचा सल्ला दिला जातो कारण ते फसवणूक करण्यासाठी तुमची वैयक्तिक आणि आर्थिक माहिती काढून टाकण्याचा प्रयत्न करतात. हा स्वयंचलित कॉल डिस्कनेक्ट होण्यापूर्वी ४४ सेकंद चालतो. स्कॅमरचा संदेश (इंग्रजी आणि हिंदीमध्ये) वापरकर्त्यांना ग्राहक हेल्पलाइनच्या इंटरएक्टिव्ह व्हॉइस रिस्पॉन्स (IVR) प्रमाणेच '९ दाबा' असे सांगण्यास करण्यास प्रवृत्त करतो. हेही वाचा - विविध ॲप्स वापरा, एकाच वेळी असंख्य टॅब उघडा; AI फीचर्ससह गूगलचा ‘हा’ स्मार्टफोन अगदी सुरळीत चालणार, पाहा किंमत काय आहे हा स्कॅम? या संशयास्पद कॉलमध्ये प्री-रेकॉर्डेड व्हॉईसचा दावा आहे की, "तुमच्या नावावर नोंदणीकृत सर्व मोबाईल नंबर येत्या दोन तासांत डिस्कनेक्ट केले जातील. " वाचकांनी हे लक्षात घेतले पाहिजे की, "दूरसंचार विभाग (DoT) नागरिकांना असे कॉल करत नाही आणि सेवा बंद करण्याची धमकी देत नाही. काय काळजी घ्यावी? हेही वाचा - कारमधून प्रवास करताना तुम्हालाही मळमळते का? Apple ने शोधलाय भन्नाट उपाय; लक्षात घ्या नवीन फीचर कसे काम करणार? तुम्ही अशा स्कॅमर्सना कॉलवर किंवा अन्यथा कोणताही वैयक्तिक तपशील शेअर करू नये. अशा प्रकारच्या दाव्यांना ग्राहकांनी बळी पडू नये आणि की-पॅडवरील कोणतीही बटण दाबू नये आणि कॉल रद्द करू नये असा सल्ला दिला जातो." "दूरसंचार विभाग DoT वापरकर्त्यांना त्यांच्या दूरसंचार सेवा प्रदात्याकडून अशा दाव्यांची सत्यता पडताळून पाहण्यासाठी आणि अधिकृत चॅनेलद्वारे (अधिकृत वेबसाइट किंवा ऑफलाइन स्टोअरवरील संपर्क क्रमांक) कंपनीशी संपर्क साधण्याचा सल्ला देखील देते. असे कोणतेही दावे अत्यंत संशयास्पद आणि नागरिकांना फसवण्याचा प्रयत्न मानले जातील. अशा कोणत्याही कृतीतून तुमची फसवणूक झाल्यास, cybercrime.gov.in वर तक्रार करा. सुरक्षिततेचा उपाय म्हणून, तुम्ही तुमच्या संपर्क सूचीमधून असे नंबर ब्लॉक करू शकता आणि तक्रार करू शकता.या शिवाय, आकर्षक अर्धवेळ नोकऱ्यांचे आश्वासन देणारे तत्सम स्कॅम कॉल्स आणि मेसेजेसलाही बळी पडू नका.
