जर तुम्ही विविध व्यवसाय करीत असाल, कन्टेन्ट क्रिएशन करीत असाल किंवा कोणत्याही गोष्टीसाठी इन्स्टाग्रामचा वापर करीत असाल, तर प्रत्येक कामासाठी तुम्ही वेगवेगळे इन्स्टाग्राम अकाउंट बनवणे गरजेचे असते. परंतु, एका अकाउंटमधून दुसऱ्या अकाउंटमध्ये जाण्यासाठी तुम्हाला कोणत्याही दुसऱ्या साईटची किंवा क्लोनिंग अॅपची गरज नाहीये. मग काय करायचे? त्यासाठी या सोप्या स्टेप्स तुम्हाला मदत करतील.

या बातमीसह सर्व प्रीमियम कंटेंट वाचण्यासाठी साइन-इन करा

अॅण्ड्रॉइड आणि आयफोनमध्ये एकपेक्षा जास्त अकाउंट कशी अॅड करायची?

१. सगळ्यात पहिल्यांदा फोनमधील इन्स्टाग्राम अॅप उघडून, उजव्या कोपऱ्यात असणाऱ्या प्रोफाइलवर क्लिक करा.

२. आता वर तुमच्या नावासमोर एक बाण दिसेल. त्यावर क्लिक करून, ‘अॅड अकाउंट’वर क्लिक करा.

३. ‘लॉग इनटू एक्झिस्टिंग अकाउंट’ हा पर्याय निवडून, आपले युजरनेम व पासवर्ड टाका. [तुमचे अकाउंट अॅड होईल]

४. अजून जास्त अकाउंट अॅड करायची असल्यास याच स्टेप्सचा वापर करा.

सगळी अकाउंट्स अॅड तर झाली. पण आता एका अकाउंटवरून दुसऱ्या अकाउंटवर कसे जायचे तेदेखील पाहा…

हेही वाचा : AI तंत्रज्ञान, चॅट जीपीटी नव्हे, तर ॲपल आणि गुगलनुसार ‘हे’ ठरलेत २०२३ चे सर्वोत्कृष्ट गेम्स आणि ॲप्स!

अकाउंट स्विच कसे करावे?

१. प्रोफाइल टॅबवरून अकाउंट स्विच करा

ईन्स्टाग्राम अॅप उघडून, त्यातील प्रोफाइल टॅबवर क्लिक करा

आपल्या युजर नेम शेजारी असणाऱ्या बाणावर क्लिक करून, तुम्हाला हवे ते अकाउंट निवडा.

अथवा प्रोफाइल टॅब काही सेकंदांसाठी दाबून ठेवा आणि त्यानंतर तिथे आलेल्या पर्यायांपैकी तुम्हाला हवे ते अकाउंट निवडा.

२. डबल टॅप करून स्विच करावे अकाउंट

इन्स्टाग्राम अकाउंट उघडून, प्रोफाइल टॅबवर भरभर दोनदा टॅप केले तरीदेखील तुम्हाला अकाउंट स्विच करता येऊ शकते.

डेक्सटॉपवर एकापेक्षा जास्त अकाउंट कसे उघडावे?

१. इन्स्टाग्राम डॉट कॉम ही वेबसाइट उघडून, त्यात एका अकाउंटसोबत लॉग इन करावे.

२. होम टॅबमधील स्विच या पर्यायावर क्लिक करा.

३. ‘लॉग इनटू एक्झिस्टिंग अकाउंट’ हा पर्याय निवडून, त्यात युजर नेम व पासवर्ड टाकून ‘सेव्ह लॉग इन इन्फो’वर क्लिक करून, लॉग इन करावे.

डेक्सटॉपवर अकाउंट्समध्ये स्विच कसे करावे?

१. गूगल क्रोम उघडून, त्यामध्ये इन्स्टाग्राम डॉट कॉम ही वेबसाइट उघडून घ्यावी.

२. युजर नेमसमोर असलेल्या ‘स्विच’ किंवा ‘मोअर’ या पर्यायावर क्लिक करा.

३. तुम्हाला हवे असलेले अकाउंट निवडा.

या स्टेप्सचा वापर करून, तुम्ही कोणत्याही ठिकाणी आपले अकाउंट अॅड किंवा स्विच करू शकता.

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: How to switch and add account on instagram note down the steps for android desktop and iphone dha
First published on: 04-12-2023 at 13:52 IST