Reliance Jio Announced Republic Day 2025 Offer : आज सर्वत्र भारताचा ७६ वा प्रजासत्ताक दिन साजरा होतो आहे. लहान मुलांनी शाळेत जाऊन तर कर्मचारी ऑफिसमध्ये जाऊन झेंडा फडकावला. बऱ्याच सार्वजनिक ठिकाणी आज विविध कार्यक्रमांचे सुद्धा आयोजन करण्यात आले आहे. याच दिवसाचे औचित्य साधून जिओ त्यांच्या ग्राहकांसाठी खास भेट घेऊन आला आहे.
रिलायन्स जिओने त्यांच्या प्रीपेड ग्राहकांसाठी प्रजासत्ताक दिन २०२५ साठी ऑफर आणली आहे. ऑफर अंतर्गत, जिओ ३,५९९ रुपयांच्या प्रीपेड प्लॅनसह अतिरिक्त फायदे देणार आहे. ३,५९९ युजर्स रुपयांच्या प्लॅनसह, युजर्सना एक वर्षाच्या वैधतेसह 5G अमर्यादित डेटा ऑफर केला जाणार आहे. हा प्लॅन नवीन नाही. पण, प्रजासत्ताक दिनाच्या ऑफर अंतर्गत यामध्ये अतिरिक्त फायदे जोडले आहेत. हा जिओचा दुसरा सर्वात महागडा प्रीपेड प्लान आहे. तर या प्लॅनमध्ये काय ऑफर्स असणार आहेत चला पाहू…
जिओचा ३,५९९ प्रीपेड प्लॅन :
रिलायन्स जिओचा ३,५९९ रुपयांचा प्रीपेड प्लॅनमध्ये ग्राहकांना अमर्यादित व्हॉइस कॉलिंग, २.५ जीबी दैनिक डेटा आणि १०० एसएमएस दिले जातील. या प्लॅनमध्ये एक पूर्ण वर्षाची सर्व्हिस व्हॅलिडिटी आणि जिओ टीव्ही, जिओ सिनेमा आणि जिओ क्लाऊडचा ॲक्सेस हे या प्लॅनचे सबस्क्रिप्शन हे अतिरिक्त फायदे ग्राहकांना दिले जात आहेत.
त्याचबरोबर प्रजासत्ताक दिन ऑफर २०२५ अंतर्गत, जिओ या या प्लॅनसह अतिरिक्त फायदे देत आहे. अजीओ Ajio कूपन (५०० रुपये किंमतीचे दोन कूपन ) समाविष्ट आहेत. जे २,९९९रुपयांच्या खरेदीवर लागू होतील आणि ५०० रुपयांची दोन Tira डिस्काउंट कूपन (किमान ९९९ रुपयांच्या खरेदीवर २५ टक्के सूट देतील). EaseMyTrip कडून १५०० रुपये किंमतीचे कूपन मिळेल, ज्यात फ्लाइट्सवर सवलत आणि ४९९ रुपये किंमतीच्या किमान खरेदीवर Swiggy कडून १५० रुपयांची सूट दिली जाईल.
© IE Online Media Services (P) Ltd