ज्योतिषशास्त्रात शनिच्या संक्रमणाला सर्वात जास्त महत्त्व दिले गेले आहे कारण हा ग्रह सर्वात हळू संक्रमण करतो. त्यामुळे त्यात होणाऱ्या बदलांचा प्रभावही दीर्घकाळ टिकतो. अडीच वर्षांनंतर होणारे शनिचे राशी परिवर्तन चार राशीच्या लोकांसाठी खूप शुभ ठरणार आहे. यासोबतच इतर काही राशींवरही याचा वाईट परिणाम होईल.
२९ अप्रैल २०२२ रोजी शनिचे संक्रमण होताच धनु राशीच्या लोकांना शनि साडेसातीपासून मुक्ती मिळेल. पण त्याचा पहिला टप्पा मीन राशीच्या लोकांवर सुरू होईल. तसेच मिथुन आणि तूळ राशीच्या लोकांना शनीच्या त्रासापासून मुक्ती मिळेल, पण कर्क आणि वृश्चिक राशीच्या लोकांना शनिच्या त्रासाला सामोरे जावे लागेल. त्यामुळे या काळात या लोकांना खूप काळजी घ्यावी लागेल.
हिंदू नववर्ष ‘या’ राशींसाठी ठरणार लाभदायक; जाणून घ्या ज्योतिष्यशास्त्र काय सांगतंय
शनिचे संक्रमण मेष राशीच्या लोकांना त्यांच्या मेहनतीचे पूर्ण फळ देईल. त्यांना पैसाही मिळेल, नवीन नोकरी मिळू शकते, बेरोजगारांना रोजगार मिळेल. नोकरीच्या ठिकाणी सन्मान आणि पदोन्नती मिळण्याची शक्यता आहे.
वृषभ राशीच्या लोकांना इच्छित नोकरी मिळण्याची शक्यता आहे. करिअरमध्ये प्रगती होईल. उत्पन्न वाढेल. एकंदरीत वेळ लाभदायक राहील. याशिवाय आतापर्यंत रखडलेली कामेही मार्गी लागतील.
मिथुन राशीच्या लोकांच्या उत्पन्नात वाढ होईल. रखडलेली कामे मार्गी लागतील. तुम्ही लांबच्या प्रवासाला जाऊ शकता. जे एखाद्या आजाराने त्रस्त होते, त्यांना आराम मिळेल.
कन्या राशीच्या लोकांना अनेक प्रकारे फायदा होईल. मुलाखत-परीक्षेत यश मिळेल. पैसे कमावण्याच्या अनेक संधी मिळतील. पगार वाढू शकतो. अडकलेले पैसे मिळू शकतात.
(येथे दिलेली माहिती गृहीतके आणि सामान्य माहितीवर आधारित आहे.)