Lakshmi Narayan Yoga : वैभवाचा दाता शुक्र १३ जुलै रोजी सकाळी १०:४१ वाजता मिथुन राशीत प्रवेश करेल. यानंतर ७ ऑगस्टपर्यंत शुक्र या राशीत राहणार आहे. या राशीत बुध आधीच बसला आहे, त्यामुळे शुक्राचे राशी परिवर्तन होताच मिथुन राशीतील बुध-शुक्र युतीमुळे लक्ष्मी नारायण योग तयार होईल. ज्योतिषांचे म्हणणे आहे की १३ जुलै ते १६ जुलै पर्यंत तीन राशींसाठी लक्ष्मी नारायण योग अतिशय शुभ परिणाम देणार आहे.
ज्योतिषशास्त्रात लक्ष्मी नारायण योग अत्यंत शुभ आणि लाभदायक मानला जातो. या योगाने व्यक्तीवर लक्ष्मीजींची विशेष कृपा आणि सौभाग्य वाढते. ज्याद्वारे त्याला घर, वाहन, सुख, वैवाहिक सुख, भोग इ. प्राप्त होईल.
आणखी वाचा : Venus Transit: मिथुन राशीत शुक्राचे भ्रमण, ‘या’ राशीच्या आर्थिक आणि आरोग्य समस्या वाढू शकतात
सिंह: या राशीच्या लोकांना या राशी परिवर्तनानंतर चांगले पैसे मिळतील. पैशांची बचत होईल. परदेश प्रवासाची संधी मिळू शकते. नोकरीच्या ठिकाणी काही फायदा होऊ शकतो. नोकरदार लोकांना नवीन संधी मिळू शकतात. तुमची संभाषण शैली तुमच्या जीवनात अनेक अनुकूल बदलांची प्रबळ शक्यता निर्माण करेल.
तूळ : शुक्राच्या या राशी परिवर्तना दरम्यान तूळ राशीच्या लोकांना नशीबाची साथ मिळताना दिसत आहे. या काळात राशीची यशाकडे वाटचाल होईल. करिअरमध्ये नवीन संधी मिळू शकतात. यासोबतच तुम्ही कुटुंब आणि मुलांसोबत आनंदाचे क्षण घालवाल. मुलांकडून चांगली माहिती मिळू शकते. लक्ष्मीनारायण योगामध्ये तुम्हाला अचानक धनप्राप्ती होऊ शकते. कर्जात बुडालेल्या पैशांची वसुली होऊ शकते.
आणखी वाचा : जुलै महिन्यात अनेक ग्रहांच्या हालचालीत मोठे बदल, १२ राशींसह जागतिक स्तरावरही दिसेल प्रभाव!
कुंभ : या राशीच्या लोकांची स्थिती चांगली राहील. तुमच्या राशीमध्ये आर्थिक लाभ होण्याचीही शक्यता आहे. या राशीचे लोक जे व्यवसायाशी संबंधित आहेत, त्यांना शुभ परिणाम मिळतील. तुम्हाला चांगला नफा होईल. प्रॉपर्टीमध्ये गुंतवणुकीसाठीही वेळ खूप शुभ आहे. जर तुम्हाला काही काम सुरू करायचे असेल तर त्यासाठीही वेळ उत्तम आहे.
शुक्र ग्रह बलवान होण्यासाठी काय करावे : शुक्र ग्रह बलवान होण्यासाठी व्यक्तीने महिलांचा आदर करावा, तांदूळ, साखर, पांढरी फुले यांसारख्या पांढऱ्या रंगाच्या वस्तूंचे दान करावे आणि पांढऱ्या रंगाच्या वस्तूंचा वापर करावा. याशिवाय तुळशीची पूजा करावी, गोशाळेची सेवा करावी.