Mercury Transit In October 2025: ज्योतिषशास्त्रानुसार बुध ग्रहाला वाणी, व्यापार व बुद्धीचा कारक ग्रह मानला जातो. चंद्रानंतर बुध ग्रहदेखील जलद गतीने राशी परिवर्तन करणारा ग्रह आहे. सध्या बुध तूळ राशीत असून येत्या २४ ऑक्टोबर रोजी दुपारी १२ वाजून ३६ मिनिटांपर्यंत रोजी बुध वृश्चिक राशीत प्रवेश करेल. दरम्यान, बुधाचे हे राशी परिवर्तन काही राशींच्या व्यक्तींचे भाग्य चमकवण्यास मदत करेल.
बुधाच्या राशी परिवर्तनाचा ‘या’ राशींना होणार फायदा
वृषभ (Vrushabh Rashi)
वृषभ राशीच्या व्यक्तींसाठी बुध ग्रहाचे वृश्चिक राशीत होणारे राशी परिवर्तन खूप अनुकूल सिद्ध होईल. या काळात आरोग्य तुमचे उत्तम राहील. धार्मिक यात्रा कराल. अध्यात्माविषयी ओढ निर्माण होईल. या काळात तुमच्या मनातील सर्व इच्छा सहज पूर्ण होतील. मेहनतीचे फळ मिळेल आणि विद्यार्थ्यांनाही हवे तसे यश मिळेल. त्याशिवाय शिक्षणात प्रगती होईल. या काळात भौतिक सुखात वाढ होण्याची शक्यता आहे. सर्व अडकलेली कामे पूर्ण होतील.
वृश्चिक (Vruschik Rashi)
बुधाचे वृश्चिक राशीत होणार परिवर्तन राशीत वृश्चिक राशीच्या व्यक्तींसाठी लाभदायक मानले जाईल. कुटुंबात शुभकार्ये होतील. आरोग्य उत्तम राहील. व्यवसायात प्रगती होईल, मनातील सर्व इच्छा पूर्ण होतील. मुलांकडून आनंदी वार्ता मिळतील. या काळात तुमच्या आयुष्यात सकारात्मक परिणाम पाहायला मिळेल. या काळात आर्थिक परिस्थिती उत्तम राहील. कर्ज फेडण्यास मदत होईल. वैवाहिक जीवन सुखमय राहील.
कुंभ (Kumbha Rashi)
बुध ग्रहाचे वृश्चिक राशीत होणारे राशी परिवर्तन कुंभ राशीच्या व्यक्तींनाही फायदेशीर ठरले. या काळात तुम्हाला अनेक आकस्मिक धनलाभ होतील. नव्या गोष्टींशी जोडले जाल. मानसिक आरोग्य उत्तम असेल. मित्रांसोबत चांगला वेळ घालवाल. प्रत्येक कामात कुटुंबीयांची साथ मिळेल. तुमच्या सर्व अडचणी दूर होतील. दूरचे प्रवासही घडतील. नोकरी करणाऱ्यांची पगारवाढ होईल. तसेच अडकलेले पैसे मिळतील. प्रेमसंबंध सुखमय होतील.
(टीप : वरील लेख हा प्राप्त माहितीवर आधारित आहे.)