५४ वर्षांनंतर सूर्यग्रहणात तयार होणार दुर्मीळ योग, ‘या’ तीन राशींच्या अडचणी वाढणार?

Surya Grahan 2024: वर्षातील पहिले आणि सर्वात मोठे सूर्यग्रहण चैत्र नवरात्रीच्या आधी म्हणजेच ८ एप्रिल रोजी होणार आहे. हे सूर्यग्रहण अतिशय खास मानले जाते, कारण ते सुमारे ५ तास २५ मिनिटे चालणार आहे. सूर्यग्रहणाच्या काळात अनेक ग्रहांच्या स्थितीत तसेच पंचकांमध्येही बदल होतात. ज्योतिषशास्त्रानुसार, सूर्य आणि राहू कोणत्याही राशीत एकत्र असल्यास ग्रहण योग तयार होतो, जो अशुभ योगांपैकी एक मानला जातो. वर्षातील पहिले सूर्यग्रहण मीन राशीतील कृष्ण आणि चैत्र महिन्यात रेवती नक्षत्रात होणार आहे. सूर्यग्रहण काही राशींसाठी फलदायी ठरू शकते, तर काही राशीच्या लोकांनी सावध राहणे आवश्यक आहे. कोणत्या राशीच्या लोकांच्या जीवनावर सूर्यग्रहणाचा नकारात्मक प्रभाव पडू शकतो, जाणून घ्या….