Upcoming Two-Wheeler in February 2023: देशातील सर्वात मोठा मोटर शो ऑटो एक्स्पो 2023 जानेवारी महिन्यात आयोजित केल्यामुळे वाहन उद्योगासाठी हा महिना खूपच रोमांचक होता. नवीन वर्षाच्या पहिल्या महिन्याची सुरुवात अनेक उत्कृष्ट दुचाकी बाईक्सच्या सादरीकरणाने झाली. आता फेब्रुवारीमध्येही ऑटो कंपन्या अनेक नवीन उत्पादने बाजारात आणू शकतात. या महिन्यात बाजारात अनेक जबरदस्त बाईक्स लाँच होणार आहेत. चला तर जाणून घेऊया कोणत्या आहेत, या बाईक्स…

आर्काइव्हमधील सर्व बातम्या मोफत वाचण्यासाठी कृपया रजिस्टर करा

या महिन्यात लॉन्च होणार ‘या’ दुचाकी आणि स्कूटर

(Photo-financialexpress)

१. यामाहा (Updated Yamaha MT 15, FZ-S)

यामाहा मोटर इंडिया १८ फेब्रुवारी रोजी नवीन दुचाकी सादर करणार आहे. नवीन मॉडेलची नेमकी माहिती अद्याप कंपनीकडून प्राप्त झालेली नाही. कंपनी Yamaha MT 15 बाईकचे नवीनतम अपडेट सादर करेल अशी अपेक्षा आहे. यामाहाची अद्ययावत MT 15 दुचाकी BS6 फेज २ उत्सर्जनावर आधारित असेल. यात एक शक्तिशाली १५५ सीसी सिंगल सिलेंडर, लिक्विड कूल्ड इंजिन मिळेल जे १८.१ बीएचपी पॉवर जनरेट करण्यास सक्षम असेल. Yamaha FZ-S दुचाकीची अद्ययावत आवृत्ती देखील या महिन्यात येण्याची अपेक्षा आहे.

(हे ही वाचा : महिंद्राच्या ‘या’ तीन लोकप्रिय SUV वर ७० हजार रुपयांपर्यंत सूट; स्वस्तात कार खरेदीची संधी )

(Photo-financialexpress)

२. मॅटर इलेक्ट्रिक बाईक (Matter Electric Motorcycle)

अहमदाबादच्या EV टेक स्टार्टअप कंपनी मॅटरने गेल्या महिन्यात झालेल्या ऑटो एक्सपो २०२३ मध्ये आपल्या पहिल्या इलेक्ट्रिक बाईकची झलक सादर केली होती. फेब्रुवारीमध्ये कंपनी आपली इलेक्ट्रिक बाईक सादर करेल अशी अपेक्षा आहे. मॅटर EV ही देशातील पहिली इलेक्ट्रिक बाईक असेल ज्यामध्ये मॅन्युअल गिअरबॉक्स आणि ABS असेल. हे ५.० kWh बॅटरीद्वारे समर्थित असेल जे एका चार्जवर १५० किलोमीटर अंतर कापेल.

(Photo-financialexpress)

३. टीवीएस (TVS iQube ST)

TVS मोटर कंपनी या महिन्यात आपल्या बहुप्रतिक्षित iQube ST बाईकच्या किमती जाहीर करू शकते. नवीन TVS iQube ST प्रकार ही iQube लाइनअपमधील कंपनीची खास बाईक असेल. हे ४.५६ kWh लिथियम-आयन बॅटरीद्वारे समर्थित असणे अपेक्षित आहे. कंपनीचा दावा आहे की, स्पेशल व्हेरियंट iQube ST बाईक एका चार्जवर १४५ किमीची रेंज देईल. TVS ची आगामी बाईक Ola S1 Pro, Ather 450X, बजाज चेतक, Hero Vida V1 सारख्या इतर वाहनांशी स्पर्धा करेल.

(हे ही वाचा : Hyundai च्या ‘या’ दमदार कारवर भरघोस सूट; होणार ३३ हजार रुपयांपर्यंतची बचत, पाहा ऑफर )

४. रिवर इलेक्ट्रिक स्कूटर (River Electric Scooter)

बेंगळुरूची ईव्ही स्टार्ट-अप कंपनी रिवर २२ फेब्रुवारी रोजी एक नवीन इलेक्ट्रिक स्कूटर लॉन्च करणार आहे. कंपनीने या स्कूटरला SUV of Scooters असे नाव दिले आहे. रिवरची नवीन इलेक्ट्रिक स्कूटर काहीशी यामाहा निओ इलेक्ट्रिक स्कूटरसारखीच आहे. यात १४ इंच मोठी चाके, क्रॅश गार्ड, दोन्ही चाकांवर डिस्क ब्रेक आणि एलईडी लाइटिंग सिस्टीम आहे.

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: From the debut of a new electric two wheeler manufacturer to the updated mt 15 check out the upcoming bikes in india in february 2023 pdb