गंमत कोडी

फिकट अबोली रंगाचे फळ
बी मध्ये लपलेला मेवा
जीवनसत्त्वाचा अपार ठेवा
झाडापासून या डिंक निघतो
त्याला आपण ‘चेरीगम’ म्हणतो
बियांचे तेल गुणकारी
मुरंबा खा वा फळे ताजी
झाडाचे लाकूड सुंदर भारी
कलाकुसरीचे सामान घरी-दारी!
( जरदाळू )

पिवळसर चॉकलेटी रंग
मी आहे एक अद्भुत कडधान्य
अन्नधान्यात पूरक मी
तेलही माझे उपयोगी
रक्तातील कोलेस्ट्रॉल नियंत्रित करतो
आरोग्य चांगले राखायला मदत करतो
(सोयाबिन)

चक्र माझे भरभर चालते
मी एक यंत्र साधे सोप्पे
कुटिर उद्योगास उपयोगी
कापसातून धागे बनवितो
गांधीजींनी केला माझा प्रसार
देशाभिमानी खादी मीच विणतो.
(चरखा)

मी एक पाहुणा काही दिवसांचा
कधी आशेचा, कधी निराशेचा
नेमाने माझे रूप बदलतो
जाताना नवीन आशा देऊन जातो
तुम्ही मला आनंदाने निरोप देता
दुसऱ्या पाहुण्याचे स्वागतही
तेवढय़ाच जोशात करतात!
(नवीन वर्ष ) 
ज्योती कपिले jyotikapile@gmail.com