450 protesters arrested in india after involvment in anti hijab protest | Loksatta

Anti-Hijab Protest: इराणमध्ये हिजाबविरोधी आंदोलनात ४५० जणांना अटक; पत्रकार, सुधारणावादी कार्यकर्त्यांना तुरुंगवास

बहुतांश सुधारणावादी कार्यकर्ते, पत्रकार आणि शेकडो आंदोलकांना रात्रीच्या सुमारास अटक करण्यात आली आहे.

Anti-Hijab Protest: इराणमध्ये हिजाबविरोधी आंदोलनात ४५० जणांना अटक; पत्रकार, सुधारणावादी कार्यकर्त्यांना तुरुंगवास
पोलीस कोठडीत महसा अमिनीचा मृत्यू झाल्यानंतर इराणमध्ये हिंसक आंदोलन पेटलं आहे. (संग्रहित छायाचित्र)

इराणी तरुणी महसा अमिनीच्या मृत्यूनंतर इराणमध्ये हिजाबविरोधी आंदोलन पेटले आहे. उत्तर इराणमधील आंदोलनात सहभागी ४५० जणांना गेल्या १० दिवसांमध्ये अटक करण्यात आल्याचे वृत्त इराणी माध्यमांनी प्रसारित केले आहे. बहुतांश सुधारणावादी कार्यकर्ते, पत्रकार आणि शेकडो आंदोलकांना रात्रीच्या सुमारास अटक करण्यात आली आहे.

विश्लेषण: रस्त्यावर उतरून महिलांनी स्वतःचे केस कापले, हिजाब जाळले; इराणमध्ये नेमकं घडतंय काय?

इराणच्या मझंदरान प्रातांतून या आंदोलकांना अटक करण्यात आल्याची माहिती सरकारी वकील मोहम्मद करिमी यांनी ‘आयआरएनए’ या वृत्त संस्थेशी बोलताना दिली आहे. या आंदोलनकर्त्यांनी सरकारी इमारतींवर हल्ला चढवत सार्वजनिक संपत्तीचे नुकसान केले. हे आंदोलनकर्ते क्रांतीविरोधी एजंट असल्याचे करिमी यांनी म्हटले आहे.

इराणी महिला खमक्या आहेत, त्या भविष्य घडवत आहेत…

इराणमधील गश्त-एरशाद (संस्कृतीरक्षक पोलिसांनी) महसा अमिनी या २२ वर्षीय तरुणीला हिजाब नीट परिधान न करण्यावरून अटक केली होती. अटकेच्या पश्चात अचानक या तरुणीची प्रकृती खालावली आणि ती कोमात गेली. यानंतर तिला तात्काळ रुग्णालयात दाखल करण्यात आले होते. मात्र, उपचारांदरम्यान अमिनीचा मृत्यू झाला. कट्टरपंथीय संस्कृती रक्षकांनीच अमिनीचा जीव घेतला असल्याचा आरोप करत इराणमधील महिला संतापाने पेटून उठल्या आहेत. देशभरात विविध ठिकाणी हिजाबविरोधात आंदोलन करण्यात येत आहे.

अग्रलेख : हिजाबची इराणी उठाठेव !

इराणमध्ये सार्वजनिक ठिकाणी हिजाब न घालणे मुस्लीम हिजाब नियमांनुसार दंडनीय गुन्हा आहे. १९७९ च्या इस्लामिक क्रांतीपासून, राष्ट्रीयत्व किंवा धार्मिक श्रद्धेचा विचार न करता सर्व महिलांनी केस, डोके व मान झाकणारा हिजाब घालणे आवश्यक आहे. या नियमाचा इराणी महिलांकडून कडाडून विरोध करण्यात येत आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
आम आदमी पार्टीचे आमदार अमानतुल्ला खान यांना १४ दिवसांची न्यायालयीन कोठडी

संबंधित बातम्या

Delhi MCD Election Result : दिल्ली महापालिका निवडणुकीतील ‘आप’च्या विजयावर मुख्यमंत्री भगवंत मान यांची प्रतिक्रिया, म्हणाले…
“…हे अजिबात चालणार नाही”, सीमाप्रश्नावरून सुप्रिया सुळेंनी भर सभागृहात भाजपाला सुनावलं; लोकसभेत खडाजंगी!
‘हजर होऊन माफी मागा’, कोर्टाने विवेक अग्निहोत्रींना फटकारल्यानंतर काँग्रेस नेत्याचा टोला; म्हणाल्या “आता माफी फाइल्स….”
“केजरीवालांना हलक्यात घेऊ नका, अन्यथा….”, योगगुरु बाबा रामदेव यांचा भाजपाला सल्ला
YouTuber Namra Qadir: प्रेमांचं जाळं, हनीट्रॅप आणि कट; व्यावसायिकाकडून ८० लाख लुबाडणाऱ्या महिला YouTuber ला Sextortion प्रकरणात अटक

व्हिडिओ

ताज्या बातम्या
दुपारच्या वेळी झोप घेणे आरोग्यासाठी वाईट आहे का? जाणून घ्या तज्ज्ञ काय सांगतात
मुंबई: विलेपार्ले स्टुडिओ घोटाळ्यात अखेर महापालिकेची कारवाई
Video: तर मी प्रायव्हेट पार्ट कापून.. उर्फी जावेद भडकली; असं काही बोलून गेली की आता..
Maharashtra Karnataka Dispute : ‘कर्नाटकच्या मुख्यमंत्र्यांनी आता जरा तोंडावर आवर घालावा…’; राज ठाकरेंचा सूचक इशारा!
हार्बरची धाव लवकरच बोरिवलीपर्यंत; भूसंपादन प्रस्ताव मंजुरीसाठी राज्य सरकारकडे सादर